Изоҳли луғат
· яна 4 та луғатда
рвш. эск. кт. Бир, бирга, бирликда.
Кимники инсон десанг, инсон эмас. Шаклда ҳам феълда яксон эмас. — Алишер Навоий
О, она табиат! Сен билан яксонман Жоним ширинлиги тириклиги сендан. — А. Мухтор
- Яксон бўлмоқ ёки ер билан яксон бўлмоқ Бутунлай ёʻқ бўлмоқ, тугатилмоқ (бузиб, емириб ва ҳоказо). Чангал солган бало яксон бўлди. — Ойбек, Олтин водийдан шабадаларИккинчи, учинчи бомба хаталарга тушди. Бир неча уй ер билан яксон бўлди. — И. Раҳим, Чин муҳаббат
- (Ер билан) яксон қилмоқ (ёки этмоқ) Бутунлай ёʻқ қилмоқ, тугатмоқ. Уруш Украинанинг не-не асрий гўзал ва шинам шаҳар ва қишлоқлари, нодир маданий ёдгорликларини яксон қилди. — Т. Рустамов, Мангу жасоратБелоруссиянинг шаҳар, қишлоқлари ер билан яксон қилинган эди. Лекин тезда шаҳарлар тикланиб олинди. — Н. Сафаров, Оловли излар