Изоҳли луғат
· яна 2 та луғатда
от 1. дин. Жума ва ҳайит кунларида имом хатибнинг суннатдан кейинги (фарздан олдинги) ваъзхонлиги; диний панд-насиҳат.
Намоздан кейин семиз ва такаббур Бўрихон ҳазрат эшон минбарга чиқиб, хутба бошлади. — М. Муҳаммаджонов, Турмуш уринишлари
Ўрта асрларда хутбанинг муҳим сиёсий аҳамияти бўлган. — Ўзме
2. Никоҳлаш вақтида ўқиладиган дуо.
Қози никоҳ хутбасини ўқишга киришди — С. Айний, Эсдаликлар
— Афанди, шайтоннинг хотинининг оти нима? — деб сўради имом. — Никоҳ куни сиз хутба ўқиган экансиз-ку, билмайсизми? — Латифалар
- Номига хутба ўқитмоқ ёки номини хутбага қўшиб ўқитмоқ Бир куни Абу Убайд Қобуснинг ўғли Манучеҳр Маҳмуд номига хутба ўқитиб, расман унинг ҳокимлар қаторига ўтгани тўғрисида хабар олиб келди. — М. Осим, Ибн Сино қиссаси