Qidiruv

ot 1. Biror shaxs, tashkilot yoki davlat ixtiyoridagi qimmatbaho buyumlar; mablagʻ; boylik; davlat.

Mirzakarimboyning xazinasi Gulnorniki. — Oybek, Tanlangan asarlar

Temur Osiyoning hamma qismidan hadsiz-hisobsiz xazina yigʻdi, lekin ularni xasis odamlar kabi saqlamadi. — Fan va turmush

2. huq. Yer ostiga koʻmilgan yoki boshqa usul bilan yashirib qoʻyilgan, egasini aniqlash qiyin boʻlgan pul yoki qimmatbaho buyumlar (bular topilsa, davlat mulkiga oʻtadi va uni topgan kishi tegishli tartibda mukofot oladi).

3. Davlat puli, qimmatbaho narsalari, umuman, boyligi saqlanadigan joy.

[Husayn:] Xazinamda har qancha zar, har qancha aqcha boʻlsa, yurtning obodonligi uchun sarf etishga vaʼda beraman. — Uygʻun va I. Sulton, Alisher Navoiy

4. Oltin, kumush kabi qimmatbaho narsalar koʻmilgan, yashirilgan joy, dafina.

Yoʻl quvlagan xazinaga yoʻliqar, Gap quvlagan bir baloga yoʻliqar. — Maqol

Sherbek bu nuroniy cholning kimligini bilib, xazina topgan kishiday suyunib ketdi. — S. Anorboyev, Oqsoy

5. Markazlashgan davlatlarda ularning moliyaviy zaxiralari majmui.

Xazina biletlari.

6. Yer yoki tabiat boyliklari, tabiiy boylik.

Yer — xazina, suv — oltin. — Maqol

Oʻzbekiston yeri — koni xazina, Xalqi — olim, dehqon kamtar kamina. — Habibiy

Vatanimizning tuprogʻi — oltin, togʻ-u adirlari, choʻl-u sahrolari — tuganmas xazina. — S. Zohidov, Togʻlar bosh egmoqda

7. koʻchma Madaniy va maʼnaviy boyliklar, durdona asarlar majmui.

Roman [Sarob] 20 yil davomida adabiyotning bebaho xazinasidan olib tashlandi. — Gazetadan

Donolar taʼrificha, kitob — bilim manbai, insoniyat toʻplagan hikmatlar xazinasi. — M. Joʻra, Noshirnoma

ot 1. kt. ayn. Xazinachi 1.

[Ulugʻbek:] Sarkardalarga ayting, shahar talanmasin! Xazinaga kirilmasin, xazinabonning oʻzi bunda [bu yerga] kelsin! — Mirmuhsin, Meʼmor

2. koʻchma Tabiat boyligini topib, uni xalq irodasiga boʻysundiruvchi kishi.

Olmaliq — bagʻri boyliklarga toʻliq. Bu boylikning xazinaboni va farmonbardori oddiy, sodda kishilarimizdir. — Gazetadan

ot 1. tar. Hukmdor va boshliqlarning xazinasini va boshqa moddiy boyliklarini saqlovchi, boshqaruvchi shaxs; xazina boshligʻi.

Xazinachilar sipohlar orqasidan ikki otni yetaklashib, hudaychi yoniga yetdilar. — A. Qodiriy, Oʻtgan kunlar

Qoraxoniylar davlatida xazinachi masʼuliyatli lavozimlardan biri sanalib, agʻichi atamasi bilan ifodalangan. — OʻzME

2. Korxona va tashkilotlarda pul saqlovchi va tarqatuvchi kassir.

ot ayn. Xazinachi.

Mulla Obidning xazinadori sifatida aqchani oʻzi ushlab, roʻzgʻor kerak-yaroqlarini ham oʻzi toʻgʻrilab turadi. — A. Qodiriy, Obid ketmon

Saroy vaziri ham xazinador ham sizga xayrixoh odamlar. — M. Osim, Ibn Sino qissasi

ot ayn. Xazina 3.

Hamma yerning eshigi ochiq, xazinaxonalar ham ochiq, ichidagi yaxshi olmos xanjarlar yoʻq. — Malikayi ayyor

государственная казнаnational treasury