от 1. Кишининг бутун борлиғи, жони-тани; аъзойи бадан.
Хўжабеков бўм-бўш кўчада якка ўзи. Бутун вужуди асабий титрайди. — С. Анорбоев, Оқсой
Ота дом-дараксиз кетган ёлғиз ўғли Раззоқни эслаб, бутун вужудида аллақандай бир ҳолсизлик сезди. — Ҳ. Ғулом, Машъал
У қоп-қора, қотма, вужуди пай бир йигит бўлиб, афтидан ёшини чамалаш қийин эди. — А. Қаҳҳор, Қўшчинор чироқлари
2. кўчма Одам, шахс, зот.
[Отабек:] — Сизми, Кумуш? — деб сўради. [Кумуш:] — Мен, мен! — Бу савол-жавоб ила икки вужуднинг ҳамма ҳасратлари, аламлари бир-бирларига англашилган эди. — А. Қодирий, Ўтган кунлар
3. Умуман, жонли ва жонсиз нарсаларнинг борлиғи, жисми.
Жамики мавжудотнинг вужудида ҳам тебранма ҳаракатни кўрамиз. — Фан ва турмуш
- Бутун вужуди билан Бор (тамоми) имконияти, диққат-эътиборини ишга солиб. Мана шу бахтиёр кунларни халқимиз ўзининг қони билан, жони билан, бутун вужуди билан ҳимоя қилган. — Э. Раимов, Ажаб қишлоқУстоз гапларини тушуниб олиш учун бутун вужудим билан тинглардим. — Н. Сафаров, Оловли изларСаидқосим ўринбосарлик ишига бутун вужуди билан киришди. — Ўзбекистон қўриқлари
- Вужудга келмоқ Дунёга келмоқ, юзага келмоқ, яралмоқ. Унинг [Ботиралининг] ҳисобича, шу поёнсиз тўқайнинг ўзида бир неча янги қишлоқ вужудга келиши мумкин. — Ҳ. Ғулом, МашъалНон қанчадан-қанча кишиларнинг ҳалол меҳнати билан вужудга келади. — Газетадан