Поиск

sft. Vositaga ega boʻlgan, biror kimsa yoki narsa vositasi bilan amalga oshiriladigan; bavosita.

ot 1. Biror maqsadga erishish yoki biror ishni amalga oshirish uchun dastak boʻlib xizmat qiladigan narsa, qurol.

Axborot vositalari. Texnika vositalari. Transport vositalari. Ishlab chiqarish vositalari.

Daryodan suzib oʻtish uchun Umarovda qayiq ham, oddiy suzish vositasi ham yoʻq edi. — T. Rustamov, Mangu jasorat

2. Umuman, biror narsani amalga oshirish uchun xizmat qiladigan, foydalaniladigan narsa, omil.

Deydilarki, odatda, sevishganlar oʻz koʻngillarini til bilan izhor etolmaydilar, imo-ishora va baʼzan qochiriq gaplar juda yaxshi vosita emish. — Shuhrat, Shinelli yillar

Mehnat intizomi shunday bir vositaki, u ishda uyushqoqlikni, tashabbuskorlikni, ijodkorlikni taʼminlaydi. — Oʻzbekiston qoʻriqlari

Qoraqand mevasi bilan chinor poʻstlogʻidan tayyorlangan sharbat ham qandli diabetni davolashda yaxshi vosita ekan. — Fan va turmush

3. koʻm. vzf. (oʻrin-payt kelishigida — vositasida)

Orqali, tufayli.faqat u mening vositamda toʻyni boshlash uchun sizdan izn olgani kelgan ekan. — A. Qodiriy, Mehrobdan chayon

ularning [davlatmandlarning] ziyofatlari vositasida baʼzi madrasalarning mudarrislari, muharrirlari bilan ham tanishdi. — A. Qodiriy, Mehrobdan chayon

ot Biror ishning amalga oshirilishida vosita rolini oʻynovchi kimsa yoki narsa.

U bilan biz podshoning amrini yuzaga chiqaradigan vositachilar, xolos. — K. Yashin, Hamza

Malakali tarjimonlarning yetishmasligi natijasida hanuzgacha fransuz adabiyoti namunalari vositachi til orqali tarjima qilinmoqda. — OʻTA

ot Vositachi ishini bajarish, vositachi boʻlish.

Maxdum Safar boʻzchini mulla Abdurahmon tarafidan vositachilik uchun joʻrttaga kelgan, deb oʻyladi. — A. Qodiriy, Mehrobdan chayon

Посредник