Қидирув

от 1. Нарсаларнинг юқори томони; тепа; зид. паст.

Усти очиқ аравага юклар ортилди. — Ойбек, Танланган асарлар

Ясси қора столларнинг ён-вери одамга, усти эса уюм-уюм китобга тўла. — П. Қодиров, Уч илдиз

Эрининг ёрдамида хонтахта устини ширинликлардан бўшатди. — С. Анорбоев, Оқсой

Дўконхона бурчагида усти ейилган, текис косиб тўнкаси — Ойбек, Танланган асарлар

2. Ичга қарама-қарши томон; сирт.

Палтонинг усти. Идишнинг усти.

[Гулсумбиби] Усти кўк сирли катта челакни олиб, сигир соққани оғилхона томон кетди. — Ойбек, Танланган асарлар

Сидиқжон этикни чироққа солиб, устини, ичини кўрди. — А. Қаҳҳор, Қўшчинор чироқлари

Саодатхон устига ҳеч нарса ёзилмаган, елимланган конвертни портфелига солиб қўйди. — С. Зуннунова, Янги директор

3. Кўчма Кийим, кийимлар мажмуи; уст-бош.

Усти юпун, қорни оч, озғин бола унинг ўзи эмасдек туюлди. — П. Турсун, Ўқитувчи

Шу ҳам баҳонами? Устинг бут, қорнинг тўқ. Қордан қўрқасанми?! — Э. Раимов, Ажаб қишлоқ

4. кўчма Зимма, масъулият.

Ҳоким текшириб, ҳеч бир натижа чиқара олмагандан кейин, айбни карвонсарой қоровули устига қўяди. — Ш. Зуннун, Ҳийлакор ўғри

Бу ёʻлда қанча зарба бўлса, устимга олишга ҳозирман. — Ш. Рашидов, Бўрондан кучли

5. 3-шахс эгалик ва жўналиш, ўрин-пайт ва чиқиш келишиклари аффикслари билан (устига, устида, устидан) кўмакчи вазифасида макон, пайт, обект каби муносабатларни ифодалайди.

Меъмор аравадан тушиб, бир муддат бўлса ҳам майса устига ёнбошлади. — Мирмуҳсин, Меъмор

Қўрғонбеги от устида қўрғоннинг у бошидан бу бошига чопарди. — А. Қодирий, Ўтган кунлар

Чой устида эри руҳиясини кузатади, унинг нечундир кайфи бузуқ — Мирмуҳсин, Топилган ҳусн

Пастда қамишзор ботқоқлик ва унинг устидан ўтган узун ёғоч кўприк бор эди. — П. Қодиров, Юлдузли тунлар

Домла икки шиша пивонинг устидан юз грамм ароқни битта отиб, ўрнидан турди. — А. Қаҳҳор, Тўйда аза

от 1. Бирор касб-ҳунар билан шуғулланувчи малакали мутахассис.

Соацоз уста. Этикдўз уста. Тикувчилик устаси. Иш устасидан қўрқар. — Мақол

Бу бинони ким қурган, Кўк билан улаштириб? Қоматин заб ўхшатган Устаси келиштириб. — Қ. Муҳаммадий

[Уйлаган:] Оғил солган усталарга доим қарашдим, лекин бировдан бир чақа сўраганим ёʻқ. — А. Қаҳҳор, Қўшчинор чироқлари

2. Маълум касб ёки ҳунарни эгаллашга ўргатувчи шахс; раҳбар, устоз.

Уста кўрмаган шогирд ҳар мақомда ёʻрғалар. — Мақол

Устанинг шогирди — ўн тўрт яшар Ёʻлдош дераза олдида ўтирарди. — Ойбек, Танланган асарлар

Ака-ука уста қўлида уч йил ишлашди — Мирмуҳсин, Меъмор

3. Шундай шахсларни билдирувчи сўзларга (шахснинг исми ёки бува, амаки каби сўзларга) қўшиб ишлатилади.

Қишлоқ чеккасида уста Абдуваҳоб деган, Аштдан кўчиб келиб қолган тожик яшайди. — Т. Ашуров, Оқ от

Уста бобонинг кайфи чоғ эди. — С. Сиёев, Ёруғлик

Уста амаки, мундан халат тикиб берсангиз. — Гулдаста

4. Бирор иш, соҳанинг машҳур, моҳир билағони; моҳир.

Бадиий сўз устаси. Юқори ҳосил усталари. Санъат усталари.

5. Спортнинг у ёки бу соҳасида маълум натижаларни қўлга киритган спортчиларга бериладиган унвон ва шу унвонга эга бўлган шахс.

Спорт устаси. Хизмат кўрсатган спорт устаси.

6. Эпчил, чечан.

Марасул ака, кўк пиёз тўғрашга устасиз — А. Қаҳҳор, Оғриқ тишлар

Гапга ҳам уста экансиз — Мирмуҳсин, Меъмор

Майнабозчилик қилишга уста эди Раҳим ака. — Ф. Мусажонов, Ҳиммат

от 1. Пул ҳисобида тайинли (белгиланган) миқдорга қўшиб бериладиган; устига қўшимча.

Агар пайкал сифатли ҳайдалган бўлса, механизаторга устама ҳақ тўланади. — Газетадан

Кузга бориб меҳнат ҳақидан ташқари қанча устама мукофот олишларини ҳам хаёлида чўтлаб айтиб берди. — С. Анорбоев, Ёʻлда ёʻлдош бўлганлар

2. Маҳсулотнинг ишлаб чиқарилиши билан боғлиқ бўлмаган, таннархдан ташқари, таннарх устига қўйиладиган.

Хуллас, эгов ва бошқа бир қанча товарларга ҳам мудирнинг ҳакалак отган нафсига жавоб берадиган даражада устама нарх қўйилди. — Газетадан

Ўғитларни жойлаштириш учун катта-катта омборлар зарур. Мана шуларнинг ҳаммаси устама харажатларни анча кўпайтириб юбормоқда. — Ш. Рашидов, Бўрондан кучли

3. с.т. кам қўлл. Қўшимча равишда; яна.

Бир неча тарёкийлар менинг ҳикояларимдан ўзларидан кетай деб қолдилар, баъзилари ҳозиргина еган афюнлари эсларида ёʻқ, яна устама афюн еб олдилар. — Ғ. Ғулом, Шум бола

Торговая наценка

Надбавки и доплаты к заработной плате

телеком. Дискретлашда юзага келадиган хатоларни тузатиш имконини берадиган филтрлаш тартиботи.инглизчаanti-aliasingрусчазащита от наложения спектров