Қидирув

от 1. Муштлаш, ёйиш ва бошқалар жиҳатдан ишлов берилаётганда, тахтага ёки супрага ёпишмаслиги учун хамир, зувала ва шу кабиларга сепиладиган ун.

Урвоғига чидаган юпқа қилади. — Шуҳрат, Шинелли йиллар

Мол ёки қўй жигари қалинлиги 2 см ҳажмида шапалоқдек қилиб кесилгач, урвоққа беланади. — К. Маҳмудов, Ўзбек тансиқ таомлари

2. кўчма Энг кичик бўлак, зарра.

Ҳар биримиз халқнинг бир урвоғимиз. — Ҳ. Турсунқулов, Ҳаётим қиссаси

[Тилланинг] Урвоғи ҳам кўринмайди. — Б. Раҳмонов, Олтин одамлар

сфт. с. т. Умрбоқи.

[Ўктам] Полизга кириб, бирпас теваракка қараб, тўни хунук битта умбурвоқини шартта узиб чиқди. — Ойбек, Олтин водийдан шабадалар

от 1. с. т. Жулдур.

Жулдурвоқи кийимда у кўпроқ саёқ гадойга ўхшарди. — Ёшлик

2. Жулдур кийим кийган.

Жума куни ўзи сингари ялангоёқ, жулдурвоқи қўшни болаларни эргаштириб, кенг далага олиб чиқар, улар билан ўқ отишарди. — М. Осим, Карвон ёʻлларида