Qidiruv

fl. 1. Rivojlanib, boshlangʻich poya va bargchalar hosil qilmoq; nish holati yuz bermoq (ekilgan urugʻ haqida).

Oradan koʻp vaqt oʻtmadi, yangi nav urugʻ unib chiqdi. — N. Safarov, Don

2. Oʻsib chiqmoq, oʻsmoq.

Yakkam-dukkam ungan makkajoʻxori nihollari, parvarish nimaligini bilmay, qisilib yotibdi. — Mushtum

Sahrolar qoʻynida chamanlar unib — Uygʻun

3. Yuzaga kelmoq, hosil boʻlmoq, yetishmoq.

Qunt bilan oʻrgan hunar, Hunardan rizqing unar. — Maqol

Ter toʻkib mehnat qilsang, Yerdan hatto zar unar. — Maqol

Yer oʻtdimi, ular ham hozirdan bizga oʻtadi. Hammasi yerdan ungan narsalar — Sharq yulduzi

4. Jismoniy yetuk holga kelmoq, ulgʻaymoq, yetilmoq.

Otni toychaligida koʻrgan kishi, u ot boʻlgach, koʻrsa tanimaganidek, eshon ham oʻn yil ichida oʻsib, unib, tamom boshqa qiyofaga kirgan yigitni taniy olmadi. — P. Tursun, Oʻqituvchi

5. Qistash, talab qilish, taʼsir koʻrsa-tish natijasida qoʻlga kirmoq (qarz, nasiya, ziyofat va shu kabilar haqida).

Qarz undi.

Hammasini undiramiz. Qani, unmay koʻrsin-chi! — P. Tursun, Oʻqituvchi

Miroslav yutqizgan ziyofat unadigan boʻlibdi. H. Ahmar, Kim haq?

6. Yaxshi natija bermoq, unumli boʻlmoq.

Shoshganning ishi unmas. — Maqol

Endi, xoʻjayin, ish unsin desangiz, oshni peshinga damlatasiz. — T. Alimov, Jonim hiqildogʻimga keldi

esk. shv. Tovush, ovoz

Anchadan soʻng itlarning uni oʻchdi — S. Anorboyev, Okroy

Ovozini eshitish uchun tomogʻiga zoʻr berib koʻradi. Faqat qandaydir xirildoq un chiqa- — S. Azimov, Oppoqtong qoʻshigʻi

fl. Biror ish, iltimos, talab va shu kabilarga rozilik bildirmoq; rozi boʻlmoq, koʻnmoq.

Mulla Ikrom qiyiq odam boʻlganidanmi yoki kasbi shuni lozim koʻrganidanmi, murosaga unamadi. — Oybek, Tanlangan asarlar

Mening maslahatimga Omon, Omonning maslahatiga men unadim. — Gʻ. Gʻulom, Shum bola

[Qushbegi:] Buyrugʻimni qoʻrboshiga aytsang, unar! — A. Qodiriy, Oʻtgan kunlar

Uncha ahamiyati boʻlmagan, arzimagan narsa, boʻlar-boʻlmas.

[Hasanali:] Unar-unmasdan bahs qilib, nihoyat, bu unar-unmasning oxiriga shu savolni ham ulab yubordi: — Bu gal Margʻilonga kechikdingizmi? — A. Qodiriy, Oʻtgan kunlar

Bora-bora oʻsha, musichaday beozor er tirriqlik qilib, unar-unmasga Shahodatni uraveradigan boʻldi. — Mushtum

q. Unar-unmas.

1. U olmoshining oʻ.-p. k. shakli

Unda hech qanday ayb yoʻq

Portretni suqlanib tomosha qiluvchilar unda bir kamchilik koʻrishar, bu ham boʻlsa, jonon qizning koʻzoynagi edi — M. Xayrullayev, Tilla marjoy

2. U holda, unday boʻlgan takdirda

Dunyoni kezish bilan shoir boʻlish mumkin boʻlsa, unda Ali provodnik shoir boʻlishi kerak: butun mamlakatni kezib chiqqan — Shukrullo, Javohirlar sandigʻi

Unda toʻgʻri biznikiga ketdik. S — Siyoyev, Yorugʻlik