Qidiruv

sft. 1. Biror joyda doimiy yashov-chi, oʻrnashib qolgan; muqim;

Shaharning turgʻun xalqi.

Bir necha yil darbadar umr kechirib oshpazlik qildi, oxiri ona qishlogʻi Avvalda turgʻun boʻlib qoldi. — K. Yashin, Hamza

Sen aytgancha, kuyoving Toshkentdan ikkinchi uylanmasin-da, Kumushni qudalaring oldiga turgʻun qilib yuboraylik, tuzukmi? — A. Qodiriy, Oʻtgan kunlar

Furqat vatanida boʻlolmay turgʻun, Donishday, Voqifday gʻam-alam yutdi. — X. Rasul

2. Oʻzgarmas boʻlgan, doimiy, barqaror.

Turgʻun muvozanat. Turgʻun holat. Barcha tashkilotlarni turgʻun kadrlar bilan taʼminlash.

Hayotda hech narsa turgʻun boʻlib qolmaganiday, teatrda ham koʻp narsalar oʻzgardi. — S. Karomatov, Hijron

3. Toʻxtab, turib qolgan, harakat qilmaydigan; harakatsiz; oqmas.

Turgʻun suv.

U koʻzlarini hovuzdagi turgʻun koʻkimtir suvga tikib oʻyladi. — Oybek, Tanlangan asarlar

4. Turgʻun (erkaklar va xotin-qizlar ismi).

ot 1. (q. Turgʻun holat turgʻun 1, 2, 3).

Muvozanatning turgʻunligi. Aholining turgʻunligi. Suvning turgʻunligi. Iqtisodiy turgʻunlik.

Shoir [Gʻ. Gʻulom] biryoqlamalikka va turgʻunlikka qarshi keskin kurash olib bordi. Sh. — Rashidov. Gʻ, Gʻulom xotirasi

Zamon poʻk narsani tez unutdirar. Yaʼni turgʻunlikdan hayot oʻch olar. — M. Shayxzoda, Toshkentnoma

2. tar. Shoʻrolar hukumati tarixida 20-asr 60-yillaridan boshlangan, iqtisodiy tushkunlik, hokimiyat tuzilmalaridagi poraxoʻrlik, maʼnaviy-axloqiy buzilish va shunga bogʻliq holda jamiyatning tanazzulga yuz tutishi bilan xarakterlanadigan davr.

Bu — shaxsga sigʻinishi, turgʻunlik davrining illati. — M. Qoʻshjonov, Diydor

fl. 1. Biror joyda yashab ketmoq, oʻrnashib, muqim turib qolmoq.

Biz shaharda turgʻunlashib qoldik.

2. Turgʻun holatga kelmoq, turgʻun holat kasb etmoq.

fl. Turgʻunlashmoq feʼlining orttirma nisbati.

ruschaПсихологическая устойчивость - это целостная характеристика личности, обеспечивающая ее постоянные адекватные реакции на фрустрирующее и стрессогенное воздействие кризисных ситуацийinglizchaPsychological stability is an integral characteristic of the personality, ensuring its constant adequate responses to the frustrating and stressful impact of crisis situations