Qidiruv

ot 1. Sutkaning kun botishdan kun chiqqungacha, oqshomdan tongotargacha boʻlgan qismi.

Oysiz tun. Tun kapalagi. Oy tunda kerak, Aql kunda kerak. — Maqol

Ochil yarim tungacha koʻchalarda tentirab yurdi, yotoqqa borsa, yana tun boʻyi uxlay olmay chiqishini bilar edi. — P. Qodirov, Uch ildiz

[Nizomjon] Kechalari yulduz toʻla osmonga tikilib, tunni tongga ulab, qushlar nagʻmasidan, suvlar shildirashidan koʻngilga allaqanday yupanch izlardi. — S. Ahmad, Ufq

2. Tun qorongʻisi, qorongʻilik.

Bahor keldi, Tun bagʻrida Yarq etganday boʻldi nur. — E. Vohidov, Nido

Hali tong otmagan, kulrang osmon asta-sekin oqara boshlaganiga qaramay, xiyobonlar, koʻchalar, binolarning pastki qavatlari tun qoʻynida edi. — Oʻ. Umarbekov, Yoz yomgʻiri

Olis-olislarda yongan yulduzdek Dardim bilan singib ketdim men tunga. — X. Davron, Qaqnus

sft. 1. Muomalasi qoʻpol, yoqimsiz, qoʻrs.

Tund, kamgap, keksa jarroh har bir soʻzni oʻlchaganday, ohista tushuntira boshladi. — Oybek, Navoiy

Karimjon, Manzura oʻylagandek, tund emas ekan. U shunday qiziq gaplarni topib gapirardiki, uning soʻzamolligiga Manzura qoyil qoldi. — Habibullo, Gʻuncha

Eson ustol [stol] yoniga borish bilan Saidiyning tund gapini eshitmagan, Saidiyni koʻrmagan boʻldi. — A. Qahhor, Sarob

2. Koʻrinishi, chehrasi sovuq, qiyofasi yoqimsiz.

Tund bashara.

Eshik ogʻa ikki bukilib taʼzim qilar ekan, yuzi tund koʻrindi. — P. Qodirov, Bobur

Ikki kunchadan beri tund boʻlib yurgan Yigitalining koʻngli yorishib ketganday boʻldi. — D. Nuriy, Osmon ustuni

Ertalab havo tund, osmonni past tushgan bulutlar qoplab olgan. — Sh. Xolmirzayev, Bodom qishda gulladi

Tunda boʻlgan yoki boʻladigan; tundagi, kechki.

Tungi smena. Tungi salqin.

Asab, tungi uyqusizlik Qudratni toliqtirgan edi. — Z. Fatxullin, Soʻnmas yulduz

Rasuljon tungi sayrning hayotbaxsh taassurotidan beqiyos lazzat topib, uyiga qaytgan mahal tong yorisha boshlagan edi. — J. Abdullaxonov, Xonadon

ot Shimoliy yarimsharning yuqori kengliklaridagi oʻta sovuq iqlimli oʻrmonsiz, yoʻsinlar, siyrak mayda oʻsimliklar bilan qoplangan yerlar.

ot Transport yurishi, suv oʻtishi va boshqalar maqsadlarga moʻljallab togʻ (yer) yoki suv ostidan oʻyib ochilgan yoʻl, oʻtish joyi.

Metropoliten tunnellari. Togʻ tunneli. Tunnel qazimoq.

Oʻrmonzor yoʻli xuddi togʻ tagidan kesib ishlangan tunnel yoʻlga oʻxshaydi. — N. Safarov, Jangchi shoir