ot 1. Tag, ost.
Paqirning tubi. Dengiz tubi.
Sakkiz buldozer kanal tubini oʻyib, mashina xartumiga qamrab olgan tuproqni yuqoriga surib chiqarardi. — Oʻzbekiston qoʻriqlari
Bogʻning etak tomoni chuqur jarlik. Uning tubida bir tegirmoncha suv qishin-yozin toʻxtamay oqib yotadi. — M. Osim, Tilsiz guvoh
2. Koʻchma Pirovard natija, oxir-oqibat; asos, zamir.
Sabr tubi — oltin. — Maqol
Yoʻq, oʻrtoq Nizomov, biz tavakkal qilmaymiz. Tavakkalning tubi — tosh, boshingni ursang — yoriladi. — Shuhrat, Shinelli yillar
Bu soʻzlarning tubida juda katta rashk borligini sezdim. — M. Qoriyev, Oydin kechalar
3. Mohiyat eʼtibori bilan asosiy boʻlgan; asl, birlamchi.
Yordamchi va shaxsiy xoʻjaliklarni rivojlantirish kundalik turmushimizning tub masalalaridan boʻlib turibdi. — Mushtum
Adib, hayotga faol munosabatda boʻlish — yozuvchi mehnatining tub mohiyati, deb hisoblagan. — Gazetadan
4. tlsh. Qismlarga boʻlinmaydigan, yasama boʻlmagan.
Tub soʻz. Tub terminlar.
Sodda terminlar oʻz oʻrni bilan ikkiga boʻlinadi: tub va yasama terminlar. — OʻTA
- Tub joy Oʻzi yashaydigan yer, joy; asl oʻziga mansub joy. Tub joy itidan koʻra musofir itning quturgani yomon boʻladi — A. Qahhor, Oʻtmishdan ertaklar
- Tub kon Yer osti koni. Hozir biz asosan tub konlarni izlab topishimiz kerak, nazarimda. — S. Karomatov, Oltin qum
- Tub qoʻymoq Asos olib oʻrnashmoq, barqaror joylashmoq. Bu qishloq suvini bir ichgan odam, tamom, shu yerda tub qoʻyib, ildiz otib ketmay iloji yoʻq. — F. Nasriddinov, Oltin odamlar
- Tubi ochildi [Tantiboyvachcha] Birinchidan, ishning tubi ochilishidan vahimaga tushdi. — Oybek, Tanlangan asarlar
- Tubiga yetmoq
- Qalb (yoki koʻngil, yurak) tubi Qalbning eng chuqur, nozik yeri. Shu mitingda Murzin ham bor edi. Rosa quloq solib tingladi. Qalbi tubida qandaydir kuch uygʻondi. — Shuhrat, Shinelli yillarElmurod uning yonida oʻtirar va bu soʻnggi kunda unga nimadir degisi kelar, lekin koʻnglining tubida yigʻilgan gaplarini ifodalashga payt ham, soʻz ham topolmas edi. — P. Tursun, Oʻqituvchi