Изоҳли луғат
· яна 4 та луғатда
от 1. И 1 Оёқ кафтининг орқа қисми.
Юмшоқ тупроққа қадам қўйганингда, товонинг ҳузур қилади.
Калишда терлаб, товонлари қорайиб кетган оёқларини сувга тиқиб шалоплатди, жони роҳатланди. — Ёшлик
2. Оёқ кийимининг шу жойга тўғри келадиган қисми.
Товони тешик маҳси. Товони қора пайпоқ.
Авазнинг ҳам товони тешилаёзди, ковушининг бутуни қолмади. — С. Сиёев, Ёруғлик
- Тирик (ёки қуруқ) товон Бутун эҳтиёж, туриш-турмуши кимсанинг зиммасида бўлгай шахс. Мен колхозингга тирик товон бўлишни истамайман. — О. Ёқубов, ДиёнатҚийнаб қўяман, деб ўйламаган эдим. Мен сизга тирик товон бўлдим. — Б. Раҳмонов, Олтин одамларНима иш келаркан унинг қўлидан. Қуруқ товон-ку! — С. Зуннунова, Гулхан
- Товон тўлаш
- Товонига қолмоқ Юз берган зарар ёки ҳодиса учун товон тўловчи, жавобгар бўлиб қолмоқ. Велосипедга эҳтиёт бўл, бузиб қўйсанг, товонига қоласан.бас қилайлик, бирор кор-ҳол бўлиб, тағин товонига ҳам қолиб ўтирмайлик. — С. Кароматов, Сўнгги барханИшқилиб, янгамнинг юраги яхшими? Яна товонларига қолиб ўтирмайлик. — Шуҳрат, Жаннат қидирганлар