fl. Toshmoq feʼlining orttirma nisbati.
Поиск
По запросу «toshirmoq» — результатов: 42: Толковый
Фильтр
Тип словаря
Словарные статьи
41fl. 1. Qirgʻoqdan oshmoq, qirgʻoqdan oshib, atrofga yoyilmoq, atrofni bosmoq.
Hovliga suv toshib ketibdi.
Yer islohotidan keyin bir yil daryo toshib, ekinlarning yarmidan koʻpi nobud boʻldi. — A. Qahhor, Qoʻshchinor chiroqlari
Hovli oʻrtasidagi vodoprovod joʻmragidan suv sharillab oqib yotar, sement hovuzcha toʻlib chiqib, ariqcha chetidagi barq urib yotgan oʻsmalarga toshib ketgandi. — Oʻ. Hoshimov, Qalbingga quloq sol
2. Oʻz qobigʻi, idish va shu kabilardan toʻlib, ortib, sirtga chiqmoq.
Oliyaxon tashqari eshikdan hovliga kirishi bilan darhol qozon-da toshayotgan sutga koʻzi tushdi. — N. Safarov, Oliyaxon Sultonova
Olov chetiga qoʻyilgan qora qumgʻon shaqillab qaynab toshdi. — Oybek, Tanlangan asarlar
Vali aka yetilgan, u yer-bu yerda chanoqlardan toshib chiqib toʻkilgan oppoq paxtalarga shukronalik bilan qarab qoldi. — M. Ismoiliy, Fargʻona tong otguncha
togʻoradan toshib chiqqan xamir singari tizzalariga oqib tushgan kattakon qorni — M. Ismoiliy, Fargʻona tong otguncha
3. koʻchma Joʻsh urmoq, oshib ketmoq.
Gʻazabi toshdi.
Toʻlamat polvonning koʻzlari chaqnab, gʻayrati toshib ketdi. — S. Anorboyev, Oqsoy
Sevinchim toshardi qalbimga toʻlib — Yo. Mirzo
4. koʻchma Tutaqishmoq, qizishmoq.
Erimdan oʻqishga rozilik berishini iltimos qildim. Oʻsha paytda Ergash akamning tepa sochi tik boʻlib birpasda koʻpirib toshdi-ketdi. — B. Fayziyev, Oydin kechada
5. Badanda paydo boʻlmoq, yuzaga tepmoq, chiqmoq.
Bolaning badaniga qizamiq toshibdi.
Lablariga toshgan uchuq hali rostmana qaytmagan boʻlsa-da, isitmasi pasaygan edi. — R. Rahmonov, Changalzordagi sharpa
Nariga tarafda oʻtirgan bir semiz kishining rangida qon qolmadi, oppoq oqarib, yuzlariga ter toshib ketdi. — N. Fozilov, Diydor
- Oshib toshmoq Gulnor uyni yigʻishtirar ekan: Boyning feʼli yaxshilanibdi, ilgari ziqna edi Boyligi oshib toshib ketdi, derdi dadam deb oʻyladi. — Oybek, Tanlangan asarlar
- Toʻlib toshmoq 1. Limmo-lim toʻlib, qirgʻogʻidan oshmoq, hu-dudiga, chegarasiga sigʻmay qolmoq. Hasrat-la toʻlib toshgan Ularning siniq jomi. — GʻayratiyOʻrmonjon xoʻp ham toʻlib toshib yurgan ekan, yuragini rosa boʻshatdi. — A. Qahhor, Qoʻshchinor chiroqlariQoʻlyozmada xatolar toʻlib-toshib yotibdi.
- Yuragi (yoki ichi) toshdi Juda zerikdi, yuragi siqildi, xit boʻldi. Tojiboy taajjubda qolib, boshini likillatdi: — Bir oʻzingiz-a? Yopiray! Miyangiz achib, yuragingiz toshib ketmaydimi? — P. Tursun, OʻqituvchiMening imillaganimni koʻrib, bolalarning ichi toshib ketdi. — H. Nazir, Choʻl havosi
- Qaynab toshmoq Japaqning miyasida savollar qaynab toshdi. — A. Muxtor, Qoraqalpoq qissasi
- Labiga uchuq toshmoq Oʻta darajada qoʻr-quvga tushmoq (bunday hollarda goʻyo labga uchuq toshadi). Bargi zubturumday titrashib, labiga uchuqlar toshib, mirshabning kattasi otidan tushib, qilichini yalangʻochlab, momoning qoshiga bordi. — GulixiromonPaxta terish mashinasi desa, labiga uchun toshadigan baʼzi qaysarlar ham hayrat barmogʻini tishlab qoldi. — Mushtum
ot 1. Gavdaning boʻyin bilan qorin oʻrtasidagi old qismi; koʻkrak.
Toʻshni toʻshga qoʻymoq.
[Zebo] Oynaga qarab, oʻzini tuzatdi. Durrachasi bilan toʻshiga yopishgan koʻylagini sal koʻtarib yelpidi. — Shuhrat, Shinelli yillar
Bolam, deb bosayin toʻshima, Kelgin, bolam, chaqqon qoshima. — Rustamxon
Ayting, nima qilay?? Qizingizni toʻshiga tortgan nomard meni masxaralamaydimi? — S. Ahmad, Hukm
2. Mol va qushlarning koʻkrak qismi, koʻkragi.
Dala-tuzni suv olsa, qoʻngʻir gʻozning toʻshidan. — Maqol
Tagidagi qoʻngʻir ot qishloq koʻchasidan toʻshiga tuproq sachratib yoʻrtib boryapti. — M. Mansurov, Yombi
3. Hayvon va parrandalarning koʻkrak oldi goʻshti, qovurgʻalardan qolgan qismi.
Norinbop toʻsh. Tuzlangan qoʻy toʻshi.
Afandi gʻozning toʻshini olib aytdi: — Men xizmatdagi qulman shu ham boʻladi. — Latifalar
Laganda samarqandcha mayiz palov boʻlib, osh ustiga toʻsh va qazi qoʻyilgan. — A. Ubaydullayev, Hayot oqimi
4. koʻchma Biror narsaning koʻkrakka oʻxshash, koʻkrakka nisbatlanuvchi, koʻkrakli yeri; siyna, bagʻir.
Ona tuproq toʻshiga inson qoʻli bilan ilk chigit donalari qadaldi. — Sh. Gʻulomov, Yorqin ufqlar
Seni oʻrab olgan togʻlar toʻshiga Toʻlin oy yoymoqda kumush kokilin. — Zulfiya
5. shv. Tengqur; doʻst, oʻrtoq.
Yetimda ne qilar teng bilan toʻshlar. — Ravshan
Topib oʻynagil, ey bola, Oʻzingning teng-u toʻshingni. — Tohir va Zuhra
- Toʻsh urmoq (yoki bermoq) 1. Toʻshini tekkizmoq, bagʻrini bermoq, qoʻymoq. Dilovar-xoʻja toʻsh berib yotgan yeridan irgʻib turdi. — Shuhrat, Oltin zanglamasToʻlqinga toʻsh urib qaldirgʻoch, Suv ustida etadi parvoz. — E. RahimBulutga toʻsh urgan yuksak togʻlar ham Buyuklikni sendan olar, onajon. — M. Umarov
ot 1. Jun, paxta singari yumshoq narsa solib tikib tayyorlangan, yotish, oʻtirish uchun toʻshaladigan buyum, anjom.
Par toʻshak. Jun toʻshak. Duxoba jildli toʻshak. Oʻz uyim —oʻlan toʻshagim. — Matal
Dilshod tokcha yonidagi toʻshakka oʻtirdi. — M. Ismoiliy, Fargʻona tong otguncha
Toʻy uchun yangi koʻrpalar qoplamoqchi boʻladilar, par toʻshaklar olmoqchi boʻladilar. — A. Qodiriy, Oʻtgan kunlar
2. Yotish uchun solingan oʻrin; ost va ustga tashlanadigan (solinadigan) narsa.
Chala yechinib, yupqa toʻshakka kirdim. — S. Siyoyev, Yorugʻlik
Top uyni toʻldirgan ahil, tinch uy-qu ogʻushidan hammalari bir zumda, goʻyo toʻshakni olov qamraganday sakrab turdilar. — Oybek, Quyosh qoraymas
Zuhra begim olti yildan beri toʻshakda yolgʻiz yotadi. Uning gulday umri bevalikda soʻlib boryapti. — P. Qodirov, Yulduzli tunlar
3. shv. Koʻrpacha, poyandoz.
- Oʻlim toʻshagi Sogʻayishi gumon, oʻlimi muqarrar boʻlgan bemor yotgan toʻshakni qayd etadi. Odatda, oʻlim toʻshagidagi bemor yotgan xonada shunaqa jimlik boʻladi. — Oʻ. Hoshimov, Qalbingga quloq solU [Saʼdi Maxsim] oʻlim toʻshagida yotganida ham hazilini qoʻymagan edi. — T. Obidov, Yusufjon qiziq
sft. 1. Tarkibida, ichida tosh boʻlgan.
Toshli tuproq. Toshli yer.
2. Tuzilishida qimmatli tosh boʻlgan.
Oʻn besh toshli soat.
ot Tashqi taʼsir (issiq, sovuq, ishqor, kislota) yoki ichki sabablar (kasallik, modda almashinuvining buzilishi va boshqalar) natijasida badanda, shilliq pardalarda paydo boʻladigan xol-xol dogʻlar, pufakchalar, chiqiqlar.
Terlama toshmasi. Qizamiq toshmasi.
Penitsillindan bilar-bilmas foydalanish natijasida teri-da har xil toshmalar, shish paydo boʻladi. — Gazetadan
В определениях
1toshirtir Toshirmoq feʼlining orttirma nisbati.