Поиск

sft. Toqat qila olmaydigan; toqati yoʻq, betoqat, chidamsiz, toʻzimsiz.

Toqatsiz odam. Toqatliga togʻlar egar boshini, Toqatsizning birovlar yer oshini. — Maqol

[ Bozorqul] Toqatsiz toʻlgʻanib, kasalman, meni yomon dard chalgan, deb pichirladi, yana toʻlgʻandi, zaif tovushi bilan faryod qildi. — A. Muxtor, Chinor

ot Chidash, bardosh berish qobiliyati; sabr-bardosh, chidam, toʻzim.

Toqat bilan kutmoq. Toqat bilan gapiga quloq solmoq. Toqati tugadi (bitdi, tamom boʻldi).

Sen boʻlmasang, menda toqat qaydadir, Togʻ chidamas otangning faryodiga! — Ravshan

Kalit topila bermagach, maxdumning toqati tugadi, chiqib, qizlar ichidan Raʼnoni chaqirdi. — A. Qodiriy, Mehrobdan chayon

Otamurod Hanifaning yozgʻirishi tugashini toqat bilan kutardi. — Oʻzbekiston qoʻriqlari

ot Betoqat holat.

Toqatsizlik qilmoq.

Qamchining kelishini toqatsizlik bilan kutib turgan Qumri, qoʻlini silkitib, qichqirdi. — H. Gʻulom, Mashʼal

fl. Toqati tugab, chiday olmay bezovtalanmoq, betoqat boʻlmoq.

Ogʻriqdan toqatsizlanmoq. Hayajondan toqatsizlanmoq. Toqatsizlanib kutmoq.

Oyqizning yonida turgan Pogodin toqatsizlanib soʻradi. — Sh. Rashidov, Boʻrondan kuchli

Hasan ovchi yotgan yerida toqatsizlanib, bir agʻdarildi-yu, yonboshlaganicha Maynaga tikilib qoldi. — Sh. Toshmatov, Erk qushi

fl. Toqatsizlanmoq feʼlining orttirma nisbati.

sft. Sabr-toqatga ega; chidamli, toʻzimli.

Toqatli kishi. Toqatliga togʻlar egar boshini. — Maqol

Avvalo, yigit kishi sabrli, toqatli boʻladi. Ikkinchidan, mard boʻladi. — R. Rahmon, Mehr koʻzda