Қидирув

от Бирор юзага тўшалган, солинган, ётқизилган нарса, қатлам.

Похол тўшама. Ботқоқ ёʻлга босилган шох тўшама.

Қалин қўй қийлари ўрнидан қўзғатилиб, устига янги тўшама сепиб қўйилган. Ҳ. Нуъмон ва А. — Шорахмедов, Ота

У [Ойниса хола] қуртларни овқатлантириш, тўшамаларини янгилаш жадвалини кўриб чиқди. — А. Мираҳмедов, Ёт юраклар

фл. 1. Тўшама солмоқ, босмоқ, ётқизмоқ, тўшама билан қопламоқ.

Кўчага тош тўшамоқ. Ботқоқ ёʻлга шох тўшамоқ.

Адёлга газета тўшаб, мастава ичишди. — Ў. Ҳошимов, Қалбингга қулоқ сол

Очил билан Мадумар ертўла кавлашни буюришди, ерга хашак тўшашди. — А. Мухтор, Чинор

2. Солмоқ, ёзмоқ (ўрин, палос ва шу кабиларни).

Умри хола қизи билан менга ўрин тўшаб берди. — Ғайратий, Узоқдаги ёр

Бозоров магазин рўпарасига, ариқ бўйидаги сурига қизил гилам, иккита кўрпача тўшаб, тўртта пар ёстиқ ташлаб қўйибди. — И. Раҳим, Чин муҳаббат

Ойдинда у [жувон] ўзига супа ўртасига ўрин тўшаётганини кўриб турибман. — С. Аҳмад, Таъзим

3. кўчма Бирор нарсани шундай тўшамаларга нисбатлаб ифодалайди.

Қор бўрони ер юзига бир ярим қарич оппоқ қор тўшаб ўз ишини тугатди. — П. Турсун, Ўқитувчи

Нишаб бўлиб борган ва охири осмон билан туташган Навоий кўчасига кун ботишдаги иморатлар узун соя тўшаб турарди — П. Қодиров, Уч илдиз

Шу кўзлар юлдуздай абадий кулсин, Баҳор ёʻлларингга тўшасин чечак. — Зулфия

от 1. Жун, пахта сингари юмшоқ нарса солиб тикиб тайёрланган, ётиш, ўтириш учун тўшаладиган буюм, анжом.

Пар тўшак. Жун тўшак. Духоба жилдли тўшак. Ўз уйим —ўлан тўшагим. — Матал

Дилшод токча ёнидаги тўшакка ўтирди. — М. Исмоилий, Фарғона тонг отгунча

Тўй учун янги кўрпалар қопламоқчи бўладилар, пар тўшаклар олмоқчи бўладилар. — А. Қодирий, Ўтган кунлар

2. Ётиш учун солинган ўрин; ост ва устга ташланадиган (солинадиган) нарса.

Чала ечиниб, юпқа тўшакка кирдим. — С. Сиёев, Ёруғлик

Топ уйни тўлдирган аҳил, тинч уй-қу оғушидан ҳаммалари бир зумда, гўё тўшакни олов қамрагандай сакраб турдилар. — Ойбек, Қуёш қораймас

Зуҳра бегим олти йилдан бери тўшакда ёлғиз ётади. Унинг гулдай умри беваликда сўлиб боряпти. — П. Қодиров, Юлдузли тунлар

3. шв. Кўрпача, пояндоз.

фл. Тўшамоқ феълининг мажҳул нисбати.

фл. Тўшамоқ феълининг орттирма нисбати.

фл. Тўшамоқ феълининг биргалик нисбати.