Hayot Foundation loyihasi
Loyiha haqida
Oʻz
Oʻz

Qidiruv

«toʻralarcha» boʻyicha 16 ta natija

Filtr
Lugʻat turi
Izohli Tarjima Terminologik
Tildan
Oʻzbekcha Ruscha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Lotincha Turkcha

Lugʻat maqolalari

15 ta
toʻralarcha
Izohli lugʻat · yana 1 ta lugʻatda

1. Zodagonlarga, aristokratlarga xos ravishda.

Toʻralarcha kekkayish.

2. Rasmiyatparastlarga, byurokratlarga xos ravishda.

Siz bu tengsiz goʻzallikka, butun bir oʻlkaning taqdiriga toʻralarcha qoʻl siltamoqdasiz, — A. Muxtor, Chinor

Toʻliq maqola →
toʻra
Izohli lugʻat · yana 4 ta lugʻatda

ot 1. tar. Yuqori tabaqaga mansub kishi; zodagon, oqsuyak, aristokrat.

Bu ikki qavatli katta hovli Azlarxon toʻraning hovlisi edi. — Oydin, Hazil emish

2. tar. Xonlar davrida va chor Rossiyasi davrida Turkistonda katta amaldor, hokim.

Unga javob qilmay, hokimdan soʻradi: — Nima qilaylik boʻlmasa, toʻram? — M. Ismoiliy, Fargʻona tong otguncha

Ellikboshi oʻyladi: Mahkamaga borib, Hakimboyvachchaning obroʻsini dastak qilaman. Toʻralarning ogʻziga urish uchun pulni boyvachcha beradi. Mandan nima ketadi, Qabul qilaveray. — Oybek, Tanlangan asarlar

3. Hurmat yuzasidan yoki ulugʻlab, kishilarning nomiga, unvoniga, mansabiga, shuningdek, koʻchma maʼnoda baʼzi narsalarni bildiruvchi soʻzlarga qoʻshib ishlatiladigan soʻz.

[Sodiq:] Ha-ha-ha, balli, Mutal toʻram! — A. Qodiriy, Oʻtgan kunlar

[Mulladoʻst oʻziga oʻzi:] Obbo, hay bu kun-erta yor-yor, childirma baka-bang, qiblaga qarab kuyov toʻram oʻtiradilar. — Hamza, Maysaraning ishi

Qudrat aka, palovxon toʻra oʻzlarini juda aziz qilib qoʻydilar, qarzdormiz. — N. Safarov, Uygʻonish

Mana, yoniga konyak toʻrani qoʻyib, toʻngʻich hosil bilan dasturxonni bezatdim. — Sh. Rashidov, Boʻrondan kuchli

4. koʻchma Rasmiyatchi, rasmiyatparast, byurokrat.

Boshqarma idorasiga joylashib qolgan ikki-uchta oʻzbilarmon toʻraning beboshligi tufayli ishlar ketga ketgandi. — Sh. Gʻulomov, Yorqin ufqlar

5. Toʻra (erkaklar ismi).

Toʻliq maqola →
toraymoq
Izohli lugʻat · yana 4 ta lugʻatda

fl. 1. Eni, hajmi kichrayib, siqilib kichik tortmoq, kengligi qisqarmoq, tor boʻlmoq.

Koʻylak yuvilib torayibdi. Yoʻl torayib qolibdi.

Orol maydoni asosan sayoz janubiy va sharqiy qismlar hisobiga torayib bormoqda. — Fan va turmush

Tamaki chekish orqasida tomirlar torayishi bilan birga, tomirlarning devori ham oʻzgaradi. — Fan va turmush

2. koʻchma Ish koʻrish, vazifa doirasi qisqarmoq, cheklanmoq.

Ish doirasi toraydi. Huquqi toraydi.

Toʻliq maqola →

Hammasini koʻrish · 15 →

Taʼriflar ichida

1 ta
byurokratlarcha

byurokratlarcha rvsh. Byurokratlarga xos uslubda, rasmiyatchilik bilan, toʻralarcha. Ishga byurokratlarcha qarash.