fl. Toʻngmoq feʼlining orttirma nisbati.
Qidiruv
«toʻngdirmoq» boʻyicha 16 ta natija: Izohli
Filtr
Lugʻat turi
Lugʻat maqolalari
16 tafl. 1. Muzlab qotib qolmoq, muzlamoq.
Daryo toʻngdi. Shoʻr toʻngmas, ahmoq oʻngmas. — Maqol
Muzyorarning palubasida toʻngadigan qanaqa suyuqlik boʻlsa, hammasi toʻngib, muzga aylanadi. — P. Qodirov, Uch ildiz
2. koʻchma Sovuq qotmoq, sovuq yemoq, sovqotmoq.
Sovuqda qolib, juda toʻngib ketdim.
Normat aka Karimjonga yaqinlashib: — Oyogʻingiz toʻnggan boʻlsa kerak. Otdan tushing, bir oz tepinib, oyoqlarni epaqaga keltirib olaylik. — Yo. Shukurov, Kamolot
3. Quyuqlashmoq, qotmoq.
Toʻngib qoladigan yogʻ.
ot 1. 1 Kun chiqish payti, subhidam, sahar, azon.
Bahor tongi. Tong payti. Tong shabadasi. Tong qorongʻisi.
Xoʻrozlar ham uygʻonib, Berdilar tongdan xabar. Kimlarga ogʻir botar, Kimni shirin allalar. — Gʻayratiy
Tongga yaqin toʻplar, mashinalar, tanklar qalangan, jangchilar qaynagan katta manzilning qoʻyniga kirdi. — Oybek, Quyosh qoraymas
Erta tongda Nurullaboyda Aravaga qoʻshildi otlar. — E. Rahim
2. koʻchma Biror narsaning boshlanish payti, ilk davri.
Baxt tongi.
Kunlar kelar — qop-qora ufq Ol shafaqdan boʻlar lolarang, Najot tongin ochadi quyosh. — Gʻayratiy
- Yolgʻon tong Tong boʻzarib yorishdi. Yolgʻon tongda adashib yoʻlga chiqqan bulutlar taraldi. — Shuhrat, Shinelli yillar
- Tongni tong ottirib, kunni kun bottirib Ertalabdan kechgacha va kechasi bilan tinmay.
- Tunni tongga ulamoq yoki tong ottirmoq Kechasi bilan uxlamay, biror ish, xayol va shu kabilar bilan mashgʻul boʻlmoq. [Nizomjon] Kechalari yulduz toʻla osmonga tikilib, tunni tongga ulab, qushlar naʼmasidan, suvlar shildirashidan koʻngilga allaqanday yupanch izlardi. — S. Ahmad, UfqToʻxta xola chinakchilikdan chiqqan paxtasini kechalari yigirar, charx oldida tong ottirardi. — I. Rahim, Chin muhabbat
- Erta tong yoki tong sahar Juda erta, kun yorishar-yorishmas.
- Tong otdi Quyosh chiqish payti yaqinlashib, kun yorishdi. Tong otdi. Tepaliklarning qor bosgan oppoq choʻqqisi, oʻrmondagi daraxtlarning uchi qizardi. — A. Qahhor, Oltin yulduz
ot Toʻnka, kunda.
Tol toʻngagi. Toʻngak kovlamoq. Qoʻpoldan toʻngak aylansin. — Maqol
Aqlli [odam] toʻngakka nozik yerini, yoriladigan yerini topib turib, bolta uradi — aqli bilan yoradi, oʻzini qiynamaydi. — M. Ismoiliy, Fargʻona tong otguncha
Sidiqjon sal yurgandan keyin yoʻl boʻyidagi kattakon toʻngakda oʻtirgan xotinni koʻrdi. — A. Qahhor, Qoʻshchinor chiroqlari
sft. Tongga mansub, tongda boʻlgan yoki boʻladigan.
Tonggi shabada.
Konlar — injenerni, togʻlar — Farhodni, Ustasin chaqirar tonggi gudoklar. — Gʻ. Gʻulom
ot 1. Yovvoyi choʻchqa, qobon; umuman, choʻchqa.
Yer ovloq boʻlsa, toʻngʻiz tepaga chiqar. — Maqol
Eshak — ishi bilan, toʻngʻiz — tishi bilan. — Maqol
Uning Tursunboyning
qamish chaylasi oldidan oʻrdaklar uchadi, yaqinginasidan toʻngʻizlar oʻtadi. — S. Ahmad, Ufq
Qamish oʻrmonlarning bir xildagi salobatli shovullashi bilan toʻlgan jimjitlik toʻngʻiz ovchilarining goho uzoqlarda gumburlagan miltiqlari tovushidan buziladi, xolos. — A. Muxtor, Qoraqalpoq qissasi
Biznikilar: Karam shoʻrva ichmaymiz, toʻngʻiz goʻshti soladi, deyishgan edi, goʻsht-yogʻni ham oʻz qoʻlimizga beradigan boʻlishdi. — I. Rahim, Chin muhabbat
2. koʻchma Tarbiya koʻrmagan, nodon yoki vijdonsiz odam haqida; shu hayvonga nisbatli haqoratni bildiradi.
Muhtaram kabin otamizga! Siz bilan meni qorongʻi zindonlarga tushirib, dor ostlarigacha tortgan Homid ismli bir toʻngʻizni, nihoyat, ikki yillik sargardonlik soʻngida tuproqqa qorishtirishga muvaffaq boʻldim. — A. Qodiriy, Oʻtgan kunlar
— Ket, toʻngʻiz, ket, tavba qilish zamoni oʻtdi — der edi xalq. — A. Qodiriy, Oʻtgan kunlar
— Anavi toʻngʻizning xirillab uxlashiga havasim kelyapti, — u Gʻavvosni koʻrsatdi. — Mirmuhsin, Meʼmor
3. Muchal yil hisobida oʻn ikkinchi yil nomi.
Uning yil — toʻngʻiz.
Hay, Shukur kampir, muchalingiz toʻngʻiz boʻlib, safar oyining oʻn birida tugʻilganmisiz, nima balo, sira el boʻlmaysiz-a? — A. Muxtor, Opa-singillar
- Toʻngʻiz yili Muchal yil hisobida oʻn ikkinchi yil.