Поиск

• Tish yormoq 1. Tishi koʻrina boshlamoq, chiqa boshlamoq (yosh bola, goʻdak haqida); Bu toʻgʻrida qoʻshnimizga tish yorgan edim, u: — Bitta-yarimtasining tomogʻini moylamabsiz-da, — dedi. — MushtumTaransevning allaqayoqqa bosh olib ketganidan xabardor boʻlsa ham, birovga tish yormadi. — Mushtum
• Tishi chiqmoq Maʼlum soʻz yoki soʻz birikmasi bilan birikib, soʻz (soʻz birikmasi) bildirgan ish-faoliyat, sohada ulgʻayganlikni, tanilganlikni bildiradi. kechagina shinel kiygan Chernetsov, harbiyda tishi chiqib, har-biyda balogʻatga yetgan kapitanga taktikadan dars bermoqchi, deb oʻyladi. — I. Rahim, Chin muhabbatOlgʻirlik bilan tishim chiqdi, behuda gaplar bilan tilim burro boʻldi. — Mushtum
• Tishi oʻtmoq Mohiyatiga tushunmoq, aqli yetmoq, hal eta bilmoq. Gazeta yoki kitob oʻqiganida, ayniqsa, texnikaga oid broshyuralarni oʻqiganida, baʼzilariga tushunmayapti, oʻzining taʼbiri bilan aytganda, tishi oʻtmay qolyapti. — R. Rahmonov, Tinib-tinchimas
• Tishida (yoki tishining kavagida yoxud orasida) saqlamoq Nihoyatda ehtiyotlik bilan (kimsaga bildirmay, koʻrsatmay) saqlamoq. Lekin bir iloj qilib tishimda saqlayman uni. — Oybek, Oltin vodiydan shabadalarMa, ol. Biror kuningga yarab qolar, tishimning orasida saqlab yurgandim. — MushtumAfandining tish kavagida asrab yurgan yuz tanga puli bor edi. — Latifalar
• Tishini tishiga qoʻymoq Bor kuch-imkoniyat bilan oʻzini tutmoq, chidagan holda tutmoq. Nojoʻya gaplarni boshingizdan chiqarib tash-lang, akasi jonidan, unaqa vaqtlar oʻtib ketgan, tishni tishga qoʻying-da, dam boʻling, bosti-bosti qilib yuboramiz. — A. Muxtor, Opa-singillarTagʻin ham farzand ekan. Tishimni tishimga qoʻyib kuzatdim. — Mushtum
• Tishini qayramoq Tayyorlanmoq, biror narsa uchun oʻzini chogʻlab turmoq. Yoʻlchi tishini qayrab, boyvachchaning koʻkragiga bir musht tushirdi. — Oybek, Tanlangan asarlarTishingni qayrab tur, uka, sal qoʻl boʻshasin, katta toʻy qilib beraman. — Oybek, Oltin vodiydan shabadalar
• Tishining oqini koʻrsatmoq (Tishini koʻrsatib) irjaymoq, ishshaymoq, tirjaymoq. Shunday tabarruk odamga qaysi betim bilan tishimning oqini koʻrsataman? — M. Ismoiliy, Fargʻona tong otguncha
• Tish-tirnogʻi bilan Qatʼiyat bilan, butun imkon bilan. Tish-tirnogʻim bilan shu yerda, shu bolalarning sevgan oʻqituvchisi boʻlib qolishga tirishaman. — P. Tursun, Oʻqituvchi

• Barmogʻini tishlamoq Shunday hiyla bilan berardimki \zaharni\, tabiblar barmogʻini tishlab qolgan bulardi — Oybek, Tanlangan asarlar
• Burnini tishlamoq Hech narsa qila olmaslikka ishora qiladi. Alam qilsa, burningni tishla. ™Endi uyga qaytish yoʻq. Mirzakarimboy burnini tishlab qolsin. — Oybek, Tanlangan asarlar
• Yer tishlamoq Yerga qulab jon bermoq, oʻlmoq. Fashist., yo qansharidan oʻq yeb, yer tishlaydi, yo evini qilsa, roʻpara kelgan teshikka oʻzini uradi. — A. Qahhor, Asarlar
• Mum tishlamoq Eshpoʻlatov lom-lim demadi, deb biz ham mum tishlab keta bersakmikin — Mushtum
• Oldidan kelsa tishlaydi, ketidan kelsa tepadi Oʻziga yoʻlatmaslik. Mulla Norqoʻzi oʻsha gapni hazillashib aytganini arz qilish uchun oldidan kelsa tishlar, ketidan kelsa tepar edi — A. Qahhor, Asarlar
• Tilini tishlamoq Ogʻzingni yum, tilingni tishla, Adolat, urushga borganlarning hammasi ham halok boʻlavermaydi — I. Rahim, Chin muhabbat
• Tishida tishlab Nihoyatda ehtiyotlab. Ikki-uch yoshida onadan yetim qoladi. Otasi uni tishida tishlab katta qiladi. — H. Nosirova, Men oʻzbek qizimantopgan-tutganini tishida tishlab saqladi. — Sh. Rashidov, Boʻrondan kuchli
• Qulogʻidan tishlamoq Oʻziniki qilib qoʻymoq (odatda, qiz bolani yoshligida, keyin unga uylanish uchun). Sen uning qulogʻini tishlagansan, nomard. — U. Ismoilov, SaylanmaYoshligimizda bir-birimizni yaxshi koʻrishib yurardik, qoʻshni edik, qulogʻini tishlab ham qoʻygan edim, — dedi Botirali. — Sh. Rizo, Qor yogʻdi, izlar bosildi

• Tigʻ tegizmoq (yoki urmoq) Biror asbob, qurol bilan kesmoq. Tepa shoxga aslo tigʻ tegiza koʻrmanglar. — N. Safarov, Oliyaxon Sultonova
• Tigʻ koʻtarmoq Qurol-yarogʻ bilan urush-jangga xezlanmoq, jangga kirmoq, jang qilmoq. Taqsir, uzr, fuqarochilik, adolatsizlikka qarshi yana tigʻ koʻtarishga toʻgʻri keldi. — Uygʻun va I. Sulton, Alisher Navoiy
• Tigʻ urmoq (yoki tortmoq) Tigʻ-yarogʻ bilan zarb bermoq. Tigʻ urib yaralamoq.Qaysi farzand otasiga tigʻ tortar. — Rustamxon
• (Dami) tigʻdan oʻtkazmoq Yoppasiga tigʻ-yarogʻ bilan oʻldirmoq. Podshoh: — Hech kim menga shu sirni oshkor qilmasa, shahar xalqini dami tigʻdan oʻtkazib, tuproq bilan barobar qilaman, — debdi. — ErtaklarYaqinda Ali uyqudan turadi, zulfiqorini koʻtarib, dindan chiqqan bandalarni tigʻdan oʻtkazadi, dedilar. — S. Ahmad, Hukm
• Quyosh (yoki kun, saraton) tigʻi 1. Quyosh nuri, shuʼlasi, yogʻdusi. Kun tigʻida yonib-oʻchib Koʻrinadi ketmonlar. — T. Toʻla;Kunlarning birida, saratonning tigʻida bogʻbonning etlari uvushibdi, tomogʻi qurishibdi. — Yo. Shukurov, Uch savol
• Quyosh (yoki kun, tong) tigʻ urdi (yoki tortdi, yoydi, yordi) Quyosh chiqdi, quyosh nur, shuʼla taratdi, yogʻdu sochdi. Kun tigʻ urib qolgan edi. Oʻrtalik allaqachon yorishgan. — Gʻ. Gʻulom, Shum bolaKun tigʻ tortib, daryoning u tomonidagi adirlarning sirti toʻq yashil, jilgʻalari qora tusga kirdi. — A. Qahhor, Qoʻshchinor chiroqlariSharq osmonining tepasida tong tigʻ ura boshlagan boʻlsa ham, devorlar, daraxtlar ichiga koʻmilgan shahar hali ancha qorongʻi edi. — M. Ismoiliy, Fargʻona tong otgunchaChosh-goh mahalida quyosh bulutlar orasidan tigʻ yorib chiqdi. — R. Rahmon, Mehr koʻzda
• Qoʻlga tigʻ olmoq Urushni boshlagan men emas, sensan, endi jazosini tortasan oʻzing, Koʻlga tigʻ olishga majbur etgan sen. Endi shu tigʻ bilan oʻyilar koʻzing. — Uygʻun

\goll. tijk, ingl. tick