Поиск

sft. 1. Yuqoriga yoki pastga tik yoʻnalgan; tik, vertikal.

Tikka qoya. Tikka oʻsgan daraxt. Tutun tikka koʻtarilmoqda. Nayza yerga tikka sanchildi.

Ariq qazuvchilar ertasiga kelib qarasalar, tikka jar oʻpirilib tushib, ariqlari koʻmilib, tep-tekis boʻlib qolibdi. — S. Anorboyev, Oqsoy

Qaynab chiqar neft buloqlari, Fontan boʻlib otilar tikka. — Yo. Mirzo

Qoʻrboshi kulib yubordi. Uning amri bilan polvon yana ilgarigi joyiga kelib, chatanogʻini kerib, tikka turdi. — A. Qahhor, Koʻr koʻzning ochilishi

2. Yerdagi maʼlum nuqtaga nisbatan vertikal yoʻnalishdagi tepa joy.

Kulrang osmonning olis-olis burchlarida yulduzlar mil-tillaydi. Hov ana, tikkada yorqin bir yulduz — tong yulduzi porlamoqda. — H. Gʻulom, Senga intilaman

U [Rahim Saidov\ pastga tushdi. Kun tikkaga kelgan, koʻcha yonardi. — Oʻ. Umarbekov, Yoz yomgʻiri

3. Toʻppa-toʻgʻri yoʻnalgan; u yoq-bu yoqqa burilmaydigan, ogʻmaydigan; adil, toʻgʻri.

Uzun gʻishtin yoʻlka darvozaxonadan boshlanib, chorbogʻni tikka kesib oʻtadi. — H. Gʻulom, Binafsha atri

Maston ilang-bilang yoʻlni qoldirib, moʻljallangan tepalikka qarab tikka yoʻl soldi. — A. Qahhor, Maston

4. koʻchma Tap tortmasdan, qoʻrqmasdan; dadil, tik.

Betiga tikka aytmoq. Tikka olishmoq.

Yovga qarshi tikka bosib borganman. — T. Toʻla

Nega sen menga tikka gapiradigan boʻlib qolding — ? Mirmuhsin, Umid

Bu gapni gʻar ham koʻtara olmas, tikka yulishar edi. — A. Qahhor, Qoʻshchinor chiroqlari

Kanop yoki paxta tolasidan toʻqilgan qalin, pishiq gazmol, mato (koʻpincha matrats, dasturxon va sh.k. uchun ishlatiladi)

Oynisa yoʻl-yoʻl tik koʻrpachada.. oʻtirarkan, oʻgʻli Yoʻldoshbekdan kelgan xatni qayta oʻqib chiqdi — H. Gʻulom, Toshkentliklar

Tikdan bir xilda tikilgan kiyim kiygan, madori ketgan yaradorlar hovliga chiqishdi — R. Fayziy, Hazrati inson

ot Tikka boʻlish holati.

rvsh. 1. 1 U yoq-bu yoqqa burilmasdan, tikkalab, tikka; toʻppa-toʻgʻri.

Choʻqqiga tikkasiga chiqmoq. Dala oʻrtasidan tikkasiga yoʻl solmoq.

2. Ayn. tikka 3, 4.

Zaynab yana koʻzida yoshi, Va tutashib ichi va tashi, Gʻazab bilan oʻrnidan turdi, Tikkasiga ichkari yurdi. — H. Olimjon

fl. Tik holatli boʻlmoq, tikka boʻlmoq.

Tepa sochi tikkaydi. Quloqlari tikkaydi.

Ilon izi kabi buralib oqayotgan Sirdaryoning oʻng qirgʻogʻidagi keng qirda tikkaygan daraxt koʻrinmaydi. — Oydin, Farhodlar

Mehrioy dugonasining yelkasiga suyanib turganidan, sochidagi lentasining uchi tikkayib qolgan edi. — H. Nuʼmon, Fasllar

fl. 1. Tik turmoq.

2. Tepaga qarab harakatlanmoq.