Qidiruv

sft. 1. Kesuvchi yoki nayzali asbob bilan qurollangan, tigʻi bor; tigʻdor.

Tigʻli kishi. Tigʻli mashina.

2. Keskir qirrasi, nayzasi, dami boʻlgan.

Ikki tigʻli xanjar.

Oldinda — qoʻllarida bittadan kaltakcha, bellarida in-gichka tigʻli dudama pichoqlar osilgan ikki kishi yurmoqda edi. Bular jallod edilar. — S. Ayniy, Qullar

3. koʻchma Tigʻdor, kesadigan, sanchiladigan

Tigʻli til. Tigʻli gap.

Bu soʻzlar ancha tigʻli boʻlsa ham, Gulsum xolaga ogʻir botmadi. — Qahramonnoma

ot 1. Qilich, xanjar, pichoq, nayza kabi sovuq qurollarning umumiy nomi.

Tigʻ yarasi tuzalar, til yarasi tuzalmas. — Maqol

Ammo tigʻ tegib, qoʻl yoki oyogʻi uzilganlar oh-voh urib, madad kutib yotardi. — Mirmuhsin, Meʼmor

Ernazar jallod, Sheralini siyosat bilan yiqitdi va poʻlat tigʻini qinidan tortdi. — Erali va Sherali

2. Kesuvchi asbob, qurol-yarogʻ va shu kabilarning keskir qirrasi, dami; turli mashina, mexanizm va shu kabilarning keskich qismi.

Boltaning tigʻi. Qilichning tigʻi.

Ketmon tigʻini qayiradigan tosh-metin eski paxsalarni qizlar necha chaqirim yerdan tashib kelib, dalaga toʻkishdi. — Oybek, Oltin vodiydan shabadalar

Qaynarning boʻydor oʻtlari kosilkalarning beomon tigʻlari zarbidan yuztuban yiqilardi. — S. Anorboyev, Oqsoy

3. Nishtar, nayza kabi asboblarning oʻtkir uchi, nayzasi.

4. s. t. Stvol, mil.

Qoʻsh tigʻ miltiq.

Vagondan eng keyin tushgan va miltigʻini tigʻidan ushlab, ketmonday yelkasiga qoʻyib kelayotgan Ahmadjon — A. Qahhor, Oltin yulduz

5. koʻchma Umuman, tigʻ, nayza kabi taʼsir oʻtkazuvchi narsa, kuch.

Zulm tigʻi. Jabr tigʻi.

Ilm-u fan tigʻi birlan jahl bagʻrini qon sil. — Hamza

Uchchiga chiqqan maʼmuriyatchi degan sarlavha ostidagi maqolaning oʻtkir tigʻi Oyqizga qaratilgan boʻlsa ham — Sh. Rashidov, Boʻrondan kuchli

ot 1. esk. ayn. Zenit 1.

Kun tigʻaga kelganda, uyga qaytdik.

Kun tigʻada, jazirama, chang. — Gʻ. Gʻulom, Shum bola

2. t. S. Quyosh harorati; quyosh nuri koʻp yogʻilib, qizdirib turgan joy.

Oftob tigʻasida yotmoq. Kun tigʻasida terlab-pishib ishlamoq.

ot 1. tex. kim. Turli materiallar (metall, shisha va boshqalar)ni qizdirish va eritish uchun ishlatiladigan, grafit, chinni va olovbardosh materiallardan tayyorlangan maxsus idish.

Mamlakatimizda grafitdan, asosan qalam ishlab chiqarishda, rangli metallar eritiladigan tigellar yasashda, bundan tashqari, keramika, boʻyoq sanoatida foydalaniladi. — Fan va turmush

2. plgrf. Bosmaxonada bosma dastgoh yoki bosma mashinaning qogʻozni bosma qolipga siqish uchun ishlatiladigan metall plitasi.

sft. 1. Bir-biriga juda yaqin joylashgan; oraligʻi qisqa; zich, qalin.

Tigʻiz daraxtlar. Zalda odam tigʻiz. Tigʻiz oʻtqazilgan koʻchatlar.

Endi ular ancha zich-tigʻiz qatorlar bilan ilgarilardi. — Oybek, Quyosh qoraymas

Tutqun sasni topolmadim Tigʻiz oʻrmonlarda ham. — M. Shayxzoda

Majnuntol barglari orasidan sirqib tushayotgan yomgʻir tomchilari qizning payvasta qoshlariga, tigʻiz kipriklariga teggan. — P. Qodirov, Yulduzli tunlar

2. Muayyan ish (ishlar) uchun vaqtning kamligi, qisqaligi; ziq.

Kuzakdagi barakali xirmon shu tigʻiz kunlardagi ishning unumi va sifatiga bogʻliq.

— Vaqt tigʻiz. Hali bilet ham olganim yoʻq,— dedi Mahmud. — A. Ubaydullayev, Hayot oqimi

Agar mehmonning vaqti tigʻiz boʻlsa, har bir uydan bir narsa olib chiqilib, dasturxonga qoʻyib chiqiladi. — Sh. Xolmirzayev, Qil koʻprik

3. Bajarilishi lozim boʻlgan ishlar koʻp va u tez suratda, uzluksiz bajarilishi lozim boʻlgan holat; shoshilinch, oshigʻich, qistalang.

Anhorda ikki objuvoz va ikki tegirmon ishlab turadi Shunga qaramay, ish tigʻiz. — H. Gʻulom, Toshkentliklar

Dalada ishning tigʻiz vaqti oʻtgani uchun mardikorlarga bundan bir necha kun ilgari javob berilgan. — Oybek, Tanlangan asarlar

ot 1. Kesadigan, tigʻli.

Bir gazli tigʻdor pichogʻini qayrab turgan qassob, dadasi yetaklab keltirgan qoʻyning kallasini shartta kesib, goʻshtini boshqa, suyagini boshqa qilib qoʻygan edi. — I. Rahim, Tinimsiz shahar

2. koʻchma Oʻtkir, achchiq.

Tigʻdor til. Tigʻdor gap.