ot
1.
Jamiyatning inson faoliyatidagi ishlab chiqarish jarayonlarini amalga oshiruvchi va noishlab chiqarish ehtiyojlari uchun xizmat qiluvchi vositalar yigʻindisi.
Ilgʻor texnika. Aviatsiya texnikasi. Paxta terish texnikasi. Texnika fanlari. Texnikadan unumli foydalanmoq.
Dushman Oryol va Belgorod rayonlariga bu kungacha hech qaysi frontda koʻrilmagan yoki oz koʻrilgan texnikani taxt qilib qoʻygan edi. — A. Qahhor, Oltin yulduz
Jabborov texnikani yana bir sidra koʻzdan kechirish uchun besh kun imkoniyat borligini aytdi. — N. Hayitqulov, Yer tafti
Bizning zamonamiz ishlab chiqaruvchi kuchlarning shiddat bilan rivojlanishi, fan va texnika taraqqiyotining tezlashishi bilan xarakterlanadi. — Fan va turmush
2.
Ishlab chiqarishning biror sohasida qoʻllanadigan mashina, mexanizm, asbob, qurol, moslama va shu kabilar majmui.
3.
Biror ish-faoliyat yoki harakat turida orttirilgan mahorat darajasi, malaka va koʻnikmalar yigʻindisi; sanʼat, mahorat.
Suzish texnikasi. Qurilish texnikasi. Sport texnikasi. Balet texnikasini egallamoq.
- Texnika ekinlari Hosili sanoat uchun xomashyo sifatida ishlatiladigan ekinlar (masalan paxta, zigʻir, kanop, qand lavlagi, kungaboqar va shu kabilar).
- Xavfsizlik texnikasi yoki texnika xavfsizligi Ishlab chiqarishda halokat va falokatlarning oldini olishga qaratilgan ish usullari va vositalari tizimi.
Kommunal xoʻjalik idoralari texnika xavfsizligi yuzasidan gʻamxoʻrlik qilishlari darkor. — Gazetadan
