Поиск

ot 1. Oʻrta texnik maʼlumotga ega boʻlgan va texnikaning biror sohasida ishlaydigan mutaxassis.

Texnik chaqirib, plan va smeta tuzish, necha pud tunuka kerak boʻlishini bilish zarur ekan. — A. Qodiriy, Obid ketmon

Texnik, prorab kerak, gʻishtchi, suvoqchi, gulkor, mohir duradgorlar kerak. — N. Safarov, Olovli izlar

2. Texnika sohasida ishlovchi mutaxassis.

Rus texniklari va olimlari grafik tasvirlarni takomillashtirish ishiga katta hissa qoʻshganlar. — A. Abrikosov, Chizmachilik

ot 1. Jamiyatning inson faoliyatidagi ishlab chiqarish jarayonlarini amalga oshiruvchi va noishlab chiqarish ehtiyojlari uchun xizmat qiluvchi vositalar yigʻindisi.

Ilgʻor texnika. Aviatsiya texnikasi. Paxta terish texnikasi. Texnika fanlari. Texnikadan unumli foydalanmoq.

Dushman Oryol va Belgorod rayonlariga bu kungacha hech qaysi frontda koʻrilmagan yoki oz koʻrilgan texnikani taxt qilib qoʻygan edi. — A. Qahhor, Oltin yulduz

Jabborov texnikani yana bir sidra koʻzdan kechirish uchun besh kun imkoniyat borligini aytdi. — N. Hayitqulov, Yer tafti

Bizning zamonamiz ishlab chiqaruvchi kuchlarning shiddat bilan rivojlanishi, fan va texnika taraqqiyotining tezlashishi bilan xarakterlanadi. — Fan va turmush

2. Ishlab chiqarishning biror sohasida qoʻllanadigan mashina, mexanizm, asbob, qurol, moslama va shu kabilar majmui.

3. Biror ish-faoliyat yoki harakat turida orttirilgan mahorat darajasi, malaka va koʻnikmalar yigʻindisi; sanʼat, mahorat.

Suzish texnikasi. Qurilish texnikasi. Sport texnikasi. Balet texnikasini egallamoq.

ot Oʻrta maxsus oʻquv yurti: sanoat, qurilish, transport va aloqa, qishloq xoʻjaligi, madaniyat va sanʼat, sogʻliqni saqlash va boshqalar sohalar uchun kadrlar tayyorlab beruvchi oʻquv muassasalarining umumiy nomi.

Qurilish texnikumi. Texnikumda oʻqimoq.

Hozirning oʻzida shahrimizda industrial texnikum, Toshkent davlat politexnika institutning filiali ishlab turibdi. — S. Anorboyev, Oʻzbekiston oltini

Texnikum jamoasi yangi oʻquv yiliga katta tayyorgarchilik bilan keldi. — Gazetadan

ot Texnologiyaning u yoki bu sohasi boʻyicha mutaxassis.

Chirchiq shahridagi Elektromash zavodining bir guruh texnologlari murakkab konveyer ijod qildilar. — Gazetadan

ot Texnologik innovatsiyani qoʻllab-quvvatlash uchun tashkil qilingan markaz.

sft. Texnologiyaga oid; materiallar va mahsulotlarga ishlov berishning usul va yoʻllari bilan bogʻliq boʻlgan.

Texnologik bilim. Texnologik talab. Meva konservalari tayyorlashning texnologik jarayoni.

Urugʻlik chigitning viltga chidamli yangi navlarini, shuningdek, yuksak texnologik sifatlarga ega boʻlgan chigitni ekish ancha koʻpaytirildi. — Gazetadan