Қидирув

фл. 1. Бирор нарсани иккинчи бир нарсага тегизиб, куч билан итариб турмоқ, тирамоқ.

Тирсакларини тиззаларига таяган ҳолда букчайиб ўтирган Элмурод юзидан қўлларини олмай сўради: — Нима қилай? — П. Турсун, Ўқитувчи

2. Мустаҳкам туриши учун бирор нарса тираб, ўрнатиб қўймоқ.

Қулай бошлаган деворга ёғоч таяб қўймоқ.

3. Бирор нарсага тегизиб қўймоқ, суямоқ.

Чол ҳассасини деворга таяб қўйди.

фл. Таянмоқ феълининг биргалик нисбати.

от 1. Нарсани кўтариб, унинг тик, барқарор туриши учун хизмат қиладиган восита; устун, тиргак, тирговуч.

Кўпгина қурилиш ташкилотлари таянчлар ясаш учун металлни беҳуда сарфламоқдалар. — Газетадан

2. кўчма Асос бўлиб хизмат қиладиган, суяниладиган нарса.

Мўл ҳосил тўплаш обида механизация деҳқоннинг энг кучли таянчидир. — Газетадан

Педагогнинг энг қудратли таянчи ҳам ва оромбахш ёстиғи ҳам унинг покиза виждонидир. — Р. Усмонов, Одобнома

Табиат фақат инсон тириклигининг, ҳаётнинг жисмоний асосини белгилабгина қолмай, маънавий ҳаётнинг ҳам асосий таянчидир. — ЎТА

3. кўчма Ёрдам ёки ҳимоя қиладиган, қўл-лаб-қувватлайдиган кимса; ҳимоячи, ёрдам-чи, ҳомий.

Зебихон хотинларни зимдан куза-тиб ўтирар, уларнинг ичидан ўзига таянч бўладиганларини мўлжаллар ва ўйлар эди. — С. Зуннунова, Гулхан

Худодан бошқа таянчим ёʻқ, ўзи асрасин. — Ойбек, Танланган асарлар

от дин. Сув бўлмаган жойда қум, тупроқ, пахта, тоза мато каби нарсалардан фойдаланиб олинадиган шартли таҳорат.

Уйдан чиқишда қумғонни олиш ёдидан кўтарилгани учун у анча ташвиш-ланди. Ҳеч бўлмагандан кейин, либосига қўл уриб, таяммумни адо этди. — Н. Мақсудий, Бола ёʻқотган киши

фл. 1. Таямоқ 1 феълининг ўзлик нисбати.

Ҳассага таянмоқ. Кўллари билан столга таяниб олмоқ.

Кампир бир қўлида ҳассасига, иккинчи қўлида Анорхонга таянганича қабристонга ёʻл олди. — И. Раҳим, Ихлос

Султон тиззаларига таяниб ўрнидан турди. — Э. Усмонов, Ёлқин

2. кўчма Бирор нарсани ҳисобга (асосга) олиб, унга ишониб иш тутмоқ; суянмоқ.

Омманинг ташаббусига таянмоқ. Бизда пахтачилик юксак агротехникага таянади.

Ўртоқ Низомиддинов, бундай пайтларда раҳбар органларнинг ёрдамига таяниш керак. — С. Аҳмад, Ҳукм

Хон кўпроқ сарой амалдорлари, уламо ва тўраларга ён босар ва уларга таянарди. — Ж. Шарипов, Хоразм

Азалдан ер унумдорлиги ва экинлар ҳосилдорлигини оширишда алмашлаб экиш самарасига таяниб келинган. — Муштум

от 1. Тутиб, кўтариб турадиган восита; тиргак, устун, тирговуч.

Кўприкнинг таянчиқлари.

Бўйин таянчиғи бўлган юқориги еттита умуртқа бўйин умуртқалари деб аталади. — Анатомия

2. Стул, каравот ва шу кабиларнинг суяниладиган, таяниладиган қисми; суянчиқ.

Наимий буни сира кутмаган эди, ранги ўчиб кетди, креслонинг таянчиғини чангаллаб, ўрнидан турди. — А. Мухтор, Опа-сингиллар

3. кўчма Айн. таянч 3.

Мен келдим бир дарбадардай ёш тўкиб ҳушсиз, Қани онам таянчиғим, кўнглим қувончи? — Шарқ юлдузи