fl. 1. Tirnamoq, timdalamoq.
It yerni tataladi.
Adolat bir joyni panjasi bilan tataladi, ketmonda kovladi, ammo buloq koʻzini topa olmadi. — I. Raxim, Chin muhabbat
Chiroqni yoqmoqchi boʻlganida, eshikni birov, xuddi mushuk tatalaganday, taqirlatdi. — A. Qahhor, Sarob
2. koʻchma Kovlashtirmoq, titmoq, titkilamoq.
Ish davomida unda-bunda begona soʻzlarni eshitib, keyin esa kitob tatalab, inglizchani bir oz bilib oldim. — Guldasta
3. koʻchma Betinch boʻlmoq (qilmoq), gʻash qilmoq, tirnamoq (koʻngilni, dilni).
Xavotirlik yuragini tataladi.
Nevarasidan bezovta boʻlib, yuragi tatalab ketayotganini, ota-onasiga qanday xabar berishni bilmay yigʻlardi. — Mirmuhsin, Umid
4. koʻchma. s. t. Urinib-surinmoq, tirishmoq.
Munavvar ruschaga u qadar usta boʻlmasa ham, uyalib qolmaslik uchun tatalab, maʼnosini tushunishga harakat qilar edi. — S. Anorboyev, Mehr
- Qorni tatalamoq Qorni juda ochmoq, ochlikdan betoqat boʻla boshlamoq. Qudrat, qorni tatalab ketganidan, hovli burchagidagi yangi oʻchoqqa osigʻliq dekcha qopqogʻini ochib koʻrdi: dekcha boʻsh edi. — H. Nazir, Soʻnmas chaqmoqlar