fl. 1. Narsani qoʻldan, yelkadan yoki boshqa joydan uzib, quyi tomon (irgʻitib, otib va hokazo) tushirmoq, yoʻnaltirmoq.
Olma uzib, yerga tashlamoq.
Gʻulomjon supurgini tashlab, qoʻllarini qoqdi. — M. Ismoiliy, Fargʻona tong otguncha
Keyin nosini tashlashga joy izlab alangladi. Oʻ. — Hoshimov, Qalbingga quloq sol
2. Narsani biron boshqa narsa, joy ustiga, ostiga yoki ichiga yoʻnaltirmoq, olmoq, solmoq, qoʻymoq.
Qizlar ichkaridan Hakimaning boshiga oq shol roʻmol tashlab, yetaklab chiqdilar. — S. Siyoyev, Yorugʻlik
Adyolni maysalar ustiga tashlab oʻtirishdi. — Oʻ. Hoshimov, Qalbingga quloq sol
Munisxon suyanchiqqa boshini tashlab, derazaga tikilib borardi. — Oʻ. Umarbekov, Yoz yomgʻiri
choponini yelkasiga tashladi-da, yoʻlga tushdi. — N. Fozilov, Diydor
3. Kuch, zarb bilan intilmoq, oʻzini otmoq.
Zuhra Saodatxonga oʻzini tashlab, mahkam quchoqlab oldi. — S. Zunnunova, Yangi direktor
Choʻmilmoq-chun birday boʻlib, endi hovuzga tashladi. — Murodxon
4. Biror ish, vazifa va shu kabilarga yoʻnaltirmoq, yoʻllamoq; safarbar qilmoq.
Hammani yigʻim-terimga tashlamoq.
Dushman bor kuchini jon holatda qarshi hujumga tashladi. — Gazetadan
Dushman barcha mavjud tanklarini va oʻziyurar toʻplarini hujumga tashladi. — Nazarmat, Joʻrlar baland sayraydi
5. Eʼtiborsiz, aloqani uzib va boshqalar holda qoldirmoq.
Doʻst soʻzini tashlama, Tashlab, boshingni qashlama. — Maqol
Uning talabalaridan bir qanchasi maktabni tashlab, bu yerga qochib keldi. — M. Ismoiliy, Fargʻona tong otguncha
Gʻavvos Muhammadning ustodni tashlab ketib qolgani armon boʻlib turganida, eshikdan uchinchi shogirdi — Zulfiqor Shoshiy kirib keldi. — Mirmuhsin, Meʼmor
6. Barham bermoq, yoʻq qilmoq; yigʻishtirmoq (baʼzi odat, xatti-harakat kabilar haqida).
[Dadam] Aroqni tashlagan boʻlsalar-a! Rosa maza boʻlardi-da. — E. Raimov, Ajab qishloq
Oʻqituvchi yoki tibbiyot xodimi boʻlmoqchimisan — chekishni tashla, odamlarga ikki qiyofada koʻrinma. — Gazetadan
Xoʻsh, ginani tashlagan boʻlsangiz nega boya ularning oldida ogʻzingizga kelganini oʻtladingiz? — A. Qodiriy, Mehrobdan chayon
7. Pasaymoq, tushmoq.
Sovuq bir oz tashladi. Narxlar ancha tashladi.
8. s. t. Raqsga tushmoq; oʻynamoq.
Tanovarga rosa tashladi.
9. koʻm. fl. vzf. -(i)b qoʻshimchali ravish-dosh shakliga qoʻshilib, harakatning keskin, kuchli tarzda yuz berishini bildiradi.
Buzib tashladi. Jerkib tashladi. Gʻijimlab tashlamoq. Agʻdarib tashladi.
Shu yerning oʻzida podshoh kishilari uni tutib olib, tilka-pora qilib tashlagan edi. — Mirmuhsin, Meʼmor
- Gap tashlamoq Shuncha qizlar bilan oʻqib, birga dars tayyorlab, birortasiga gap tashlamabman. — M. Qoriyev, Oydin kechalar
- Ilon poʻst tashlaydi qilayotgan qiligʻiga ilonlar poʻst tashlaydi. — Mirmuhsin, Meʼmor
- Koʻz tashlamoq Bobur toʻplanib turgan beklarga koʻz tashlagan edi — P. Qodirov, Yulduzli tunlar
- Koʻlanka (yoki koʻlka) tashlamoq Tarqalib ketgan keng shoxlar yerlarga ola koʻlanka tashlagan. — Uygʻun, SaylanmaTashladimi yoki bir umr koʻzimga gʻam koʻlkalarini. — Sh. Rahmon, Yurak qirralari
- Luqma tashlamoq Jizzakilik qilib, oʻtirgan yerida notiqqa bir-ikki marta luqma tashladi. — F. Musajonov, Himmat
- Nazar tashlamoq Rahim akaga kamsitgandek nazar tashladi — F. Musajonov, Himmat
- Orqaga tashlamoq 1. Orqaga olmoq. Bugun borib kela qol, orqaga tashlama.
- Soya tashlamoq 1. Soya bermoq. Bahaybat sada atrofga soya tashlab turibdi;Raisaning qoshlari chimirilib, haligina kulib turgan yuziga gʻam soya tashladi. — M. Xayrullayev, Tilla marjonRomanning badiiyligiga soya tashlab turgan voqealar baʼzi oʻrinlarda ortiqcha choʻzilib ketadi. — S. Karomatov, Oltin qum
- Tob tashlamoq — Tob tashlamaslik kerak ogʻir sharoitlarda,— dedi Shoimov bamaylixotir. — Oʻzbekiston qoʻriqlari
- Tomdan (oʻzini) tashlaydi Moʻmay pul koʻrsa, tomdan oʻzini tashlaydi. — Mushtum
- Urugʻ tashlamoq Dehqon yaxshi niyat bilan zaminga baraka urugʻini tashlamoqda. — Gazetadan
- Xandon tashlamoq (yoki otmoq) Ortiq oʻzining hazilidan oʻzi xandon tashlab kuldi. — M. Mansurov, Yombi
- Shox tashlamoq Shahzodaxon bir nozik shox tashlab, sochlarini tartibga soldi-yu taxmonga bordi. — K. Yashin, Hamza