ot 1. Narsa, hodisa va shu kabilar haqida kishi ongi-xayolidagi maʼlumot, bilim, tushuncha.
Lekin tasavvurim, bari bir, yuzaki edi. — Yoshlik
Leytenant, Sultonovning batafsil hikoyasini eshitib, aniq tasavvurga kelgan boʻlsa ham, oʻsha joyni oʻz koʻzi bilan koʻrishi kerak edi. — Oʻ. Umarbekov, Yoz yomgʻiri
Toʻgʻri, koʻrmay turib yozilgan asarlar adabiyotimizda koʻp. Buning uchun avval bilim, mahorat, oʻtkir tasavvur kerak. — N. Fozilov, Diydor
Haligacha biz — studentlar klassik adabiyot namoyandalaridan birontasining hayoti va ijodi haqida mukammal tasavvurga ega emasmiz. — D. Nuriy, Osmon ustuni
2. Shunday maʼlumot, tushuncha, bilim shakllanishining manbai sifatidagi ong, xayol.
Kecha yigʻlab, koʻksiga bosh qoʻygan Charos yana tasavvurida jonlandi-yu, lablarini qisib stul suyanchigʻiga yelkasini tashladi. — Oʻ. Hoshimov, Qalbingga quloq sol
Fotoapparat bir lahzada kishi tasvirini qanday saqlab qolsa, uning tasavvuri ham qizning oʻsha qiyofasini shunday eslab qolgan edi. — Oʻ. Hoshimov, Qalbingga quloq sol
Eski yilning gʻoyat katta xizmatlarini bir-bir tasavvurdan oʻtkazishga odatlanganmiz. — Gazetadan
3. fls.psxl. Idrok qilingan, his etilgan narsa yoki hodisaning kishi ongida aks etishi, gavdalanishi.
Tasavvur jarayoni.
- Tasavvur qilmoq (yoki etmoq) 1. Xayolda tiklamoq, gavdalantirmoq. [Yodgorni] Qorga yiqilib yotgancha, boshini koʻtarib turgan alamli chehrasini tasavvur qiladi. — Oʻ. Hoshimov, Qalbingga quloq solHamon sogʻinch oʻrtaydi. Zumradni harir koʻylakda bagʻrida toʻlgʻanib turgan holida tasavvur qiladi. — S. Siyoyev, Otliq ayolMahkam Gavhar bilan uchrashishini tasavvur etganda, sovqotib, gulxanni koʻz oldiga keltirgan kishiday, yuragi bir orziqdi. — P. Qodirov, Uch ildiz;Zamira ham hali muhabbat nimaligini yaxshi tasavvur etmasdi. — P. Qodirov, Uch ildizNahotki boshqarma besh yil, uch yil, boringki, ikki yildan keyin bajaradigan zarur ishlarni tasavvur qilolmasa?! — Oʻzbekiston qoʻriqlari