Qidiruv

ot 1. Shaxs yoki narsaning ovozi, xatti-harakati va shu kabilarni iloji boricha aniqlik bilan, oʻziday qilib aytish, bajarish; oʻxshatma ovoz, harakat qilish.

Shodon askiyalar, payrov va taqlid Davrani porlatar misoli chiroq. — A. Isroilov

Ming yildirkim, bulbul kalomi Oʻzgarmaydi, yaxlit hamisha. Ammo shoʻrlik toʻtining holi Oʻzgalarga taqlid hamisha. — A. Oripov, Yillar armoni

2. Ijod, faoliyatda oʻzgalarga ergashish, oʻzgalar namunasi asosida ish olib borish.

Taqlid esa, aksincha, boshqa yozuvchiga koʻr-koʻrona ergashish, unda tasvirlangan hayot lavhalarini oʻzlashtirib, mexanik surat-da koʻchirishga olib keladi — Gʻ. Salomov, Tarjima nazariyasiga kirish

Oʻzgaga oʻxshab yoki oʻxshatib, taqlid qilib, taqlid tarzida.

Bu odam avval uyatchan qizlarga taqlidan noz qilib, keyin haligi beqasam toʻn kiygan juvonga taqlidan oʻyinga tushib, hammani kuldirdi. — A. Qahhor, Qoʻshchinor chiroqlari

Xoʻjabekovdan soʻng Saidgʻozi soʻz oldi. U har vaqtdagidek koʻrimsiz jussasini raisga taqlidan tiktirgan kulrang kiteliga yashirgan edi. — A. Anorboyev, Oqsoy

sft. Taqlid bilan boʻlgan, taqlid natijasida yuzaga kelgan.

Taqlidiy sheʼr. Taqlidiy soʻz.

ot Oʻzgalarga taqlid qiluvchi, taqlid yoʻlidan boruvchi.

Taqlidchi shoir.

Bola taqlidchi boʻladi — S. Zunnunova, Yangi direktor

ruschaподражательностьinglizchaimitation, imitativenessfransuzchaimitationarabchaمُقَلِّدٌ, مُحَاكٍ

ot Oʻzgalarga taqlid qilish; taqlidiy yoʻl (masalan, ijodda).

Bu modernizm, taqlidchilik kasalidir, uni davolash kerak. — Mushtum