Қидирув

фл. 1. Тақамоқ феълининг ўзлик ва мажҳул нисбатлари.

Ёғочнинг учи деворга тақалган. Қайиқ бориб қирғоққа тақалди.

Ҳозир суҳбат Элчибекка келиб тақаладигандай эди. — А. Мухтор, Туғилиш

Суви анча тортилиб қолган кўлнинг шимолий этаги қишлоқ уйларининг ҳовлиларига бориб тақалар эди. — М. Исмоилий, Фарғона тонг отгунча

Камар бир одам бемалол энгашиб юра оладиган бўлиб, охири қаерга бориб тақалишини ҳеч ким билмасди. — П. Турсун, Ўқитувчи

2. Бирор нарсанинг битишига, юзага келишига қараб қолмоқ, у билан боғлиқ бўлмоқ.

Рухсатнома ёзилган. Иш суратга тақалиб қолди. Бугун у ҳам тайёр бўлади. — Н. Сафаров, Саодатнинг қиссаси

Кўп нарса замонавий машина-ускуналарнинг етишмаслигига бориб тақалади. — Муштум

фл. 1. Жуда яқинига олиб бориб, етказиб, тегизиб қўймоқ; тирамоқ.

Стулларни бир-бирига тақаб қўймоқ.

[Маҳкам:] Гоҳ қўлида милтиқ, ёʻлимни тўсади, гоҳ кўкрагимга миниб олиб, кекирдагимга пичоқ тақайди — Н. Сафаров, Уйғониш

Нури ўз юзини йигитнинг юзига тақади. — Ойбек, Танланган асарлар

2. кўчма Сўзни, мавзуни бирор ерга, масалага уламоқ, олиб келмоқ, кўчирмоқ.

Шундай қилиб, Ефим Данилович гапни яна қурол-яроғга олиб келиб тақади. — А. Мухтор, Опа-сингиллар

3. Ким ёки нимадандир деб билмоқ, унга боғламоқ.

Ҳамма нарсани динга, худога тақайверма. — Н. Аминов, Суварак

Област саҳро ҳисобига тараққий этиб, келгусида иккига бўлиниб кеца, бу обектив қонун, Аббосов. Сен буни менга тақама, бундан иғво чиқаришинг қийин. — А. Мухтор, Бўронларда бордек ҳаловат

От-улов туёғини зарарланишдан, сирғанишдан сақлаш учун туёқ остига михлаб қоқиладиган ярим доира шаклидаги металл буюм

Отнинг тақаси

Қишлоқ тинчлигини бузган бу якка от туёқларининг тарақ-туруқи, тақаларнинг тошларга урилишидан чиққан ялт-ялт чақмоқ дам ўтмай узоқлашди — С. Анорбоев, Оқсой

тақал қилмоқ Бирор ишни бажаришга дарров киришмай, ўйланиб қолмоқ, кечиктирмоқ; кетга сурмоқ, галга солмоқ; баҳона қилмоқ

Тожихон, қўйинг шу важҳу тақални — А. Мухтор, Кумуш тола

Ҳаялламай жаллод, энди боринглар, Тақал қилмай, тезроқ бориб келинглар — "Алпомиш"

Ёмон хотин кўп қилади тақални, Қирққа кирмай оқартирар соқолни — М. Алавия, Ўзбек халқ қўшиқлари

от Тақа ясайдиган ва отга тақа қоқадиган уста.

Мўғуллар керакли қуролсозлар, узангисозлар, тақачилар, темирчилар, аравасозлар, тўқувчилар ва бошқа касб эгаларини бир чеккага ажратдилар. — М. Осим, Ўтрор

тақл. с . Бир меъёрдаги тез ҳаракатдан, урилишдан ҳосил бўладиган овоз, шовқинни билдиради.

Поезднинг тақа-тақи кишини мудратарди.