Қидирув

сфт. 1. Тантанага эга, тантана руҳидаги, тантана билан бўладиган.

Ўшдаги қароргоҳда бу оқшом сизларнинг шарафингизга тантанали зиёфат берилур. — П. Қодиров, Юлдузли тунлар

Трестдагилар илғор бинокорлар қатори Ёдгорни ҳам тантанали кечага таклиф қилишди. Ў. — Ҳошимов, Қалбингга қулоқ сол

2. Тантана ифодаловчи.

Гўё улуғ бир ҳодиса содир бўлиши кутилаётгандек, ер-у кўк тантанали қиёфа олди. — С. Анорбоев, Оқсой

— Аҳа, демак, ҳали топганингиз ёʻқ, — деди Исмоил тантанали бир оҳангда — Ойбек, Нур қидириб

3. Асъаса-дабдабали, кўтаринки руҳ билан.

Никоҳ тўйи фавқулодда суронли ва тантанали бўлди. — Ойбек, Танланган асарлар

Саидғози бу сўзларни оғзини тўлдириб, алоҳида расмий тусда гапиргани учун тантанали жарангларди. — С. Анорбоев, Оқсой

от 1. Муҳим воқеа, ҳодиса ва шу кабилар муносабати билан ўтказиладиган, ўйин-кулги, хурсандчилик руҳида давом этадиган йиғин, маросим.

Байрам тантаналари. Янги йил тантаналари.

Тантана, ҳашаматни севган Ҳусайн Бойқаро уйни тўлдирган ва улуғвор таъзим билан ўтирган оломонга фахрланиб қаради. — Ойбек, Навоий

Қаҳрамоннинг қишлоққа қайтиб келиши катта тантанага айланди. — Назар-мат, Жўрлар баланд сайрайди

Май — баҳор эркаси, ғалаба рамзи, Шаҳар, қишлоқларда тантана, байрам. — Р. Бобожон

2. Бирор мақсад, фаолият ёʻлидаги ғалаба, муваффақият ва унинг ифодаси.

Ойбек инсон ақл-идрокининг, адолат ва бахт-саодатнинг тантанаси ёʻлида ғоят улкан ижодий жасорат кўрсатди. — Газетадан

Тинчлик учун кураш, гуманистик ғоялар тантанаси учун кураш ишига ёшлар ҳам ўз ҳиссаларини қўшмоқдалар. — Газетадан

Бу қарашда Зеби қандайдир заҳарли тантанани сезиб, унинг маъносига тушунди. — Ш. Рашидов, Қудратли тўлқин

3. Тўй, хурсандчилик йиғини, маросими кабиларга оид хатти-ҳаракат, шодиёна ишлар.

Қизидан хабар топиб келган Ёрмат уни Шоқосимнинг кулбасидан тортиб олиб кетгач, бой ҳовлисида тўй тантаналари бош-ланди. — Ойбек, Танланган асарлар

Уйда ғалати бир тантана ҳукм сурарди. — С. Зуннунова, Янги директор

4. Ғолибона, кўтаринки кайфият.

Ҳозир у мамнуният ва тантана билан кулумсираб, Маҳкамнинг яхши волейболчи эканини айтди — П. Қодиров, Уч илдиз

Суяр ўзининг қувончини тантана билан эълон қилди: — Бугун инструкторимизни қолдирдим, дада! — А. Қаҳҳор, Асарлар

от Тантанани, асъаса-дабдабани яхши кўрадиган, қуруқ тантаналарга берилган.

Нутқингизда: Биз сийқаси чиққан ваъдабозлардан, тантанабозлардан эмасмиз, дедингиз. — Муштум

сфт. айн. Тантанали.

Машшоқлар дарҳол Хон чиқар дейиладиган тантанавор мусиқани бошладилар. — С. Сиёев, Ёруғлик

Дарвозанинг иккала қаноти очиб қўйилган, ичкарида тантанавор бир кайфият ҳукмрон эди. — Д. Нурий, Осмон устуни

от Қуруқ тантаналарга берилиш.

Йиғилиш ва конференсиялар тантанабозликка айланмаслиги керак. — Газетадан