ot 1. Muhim voqea, hodisa va shu kabilar munosabati bilan oʻtkaziladigan, oʻyin-kulgi, xursandchilik ruhida davom etadigan yigʻin, marosim.
Bayram tantanalari. Yangi yil tantanalari.
Tantana, hashamatni sevgan Husayn Boyqaro uyni toʻldirgan va ulugʻvor taʼzim bilan oʻtirgan olomonga faxrlanib qaradi. — Oybek, Navoiy
Qahramonning qishloqqa qaytib kelishi katta tantanaga aylandi. — Nazar-mat, Joʻrlar baland sayraydi
May — bahor erkasi, gʻalaba ramzi, Shahar, qishloqlarda tantana, bayram. — R. Bobojon
2. Biror maqsad, faoliyat yoʻlidagi gʻalaba, muvaffaqiyat va uning ifodasi.
Oybek inson aql-idrokining, adolat va baxt-saodatning tantanasi yoʻlida gʻoyat ulkan ijodiy jasorat koʻrsatdi. — Gazetadan
Tinchlik uchun kurash, gumanistik gʻoyalar tantanasi uchun kurash ishiga yoshlar ham oʻz hissalarini qoʻshmoqdalar. — Gazetadan
Bu qarashda Zebi qandaydir zaharli tantanani sezib, uning maʼnosiga tushundi. — Sh. Rashidov, Qudratli toʻlqin
3. Toʻy, xursandchilik yigʻini, marosimi kabilarga oid xatti-harakat, shodiyona ishlar.
Qizidan xabar topib kelgan Yormat uni Shoqosimning kulbasidan tortib olib ketgach, boy hovlisida toʻy tantanalari bosh-landi. — Oybek, Tanlangan asarlar
Uyda gʻalati bir tantana hukm surardi. — S. Zunnunova, Yangi direktor
4. Gʻolibona, koʻtarinki kayfiyat.
Hozir u mamnuniyat va tantana bilan kulumsirab, Mahkamning yaxshi voleybolchi ekanini aytdi — P. Qodirov, Uch ildiz
Suyar oʻzining quvonchini tantana bilan eʼlon qildi: — Bugun instruktorimizni qoldirdim, dada! — A. Qahhor, Asarlar
- Tantana qilmoq 1. Gʻalaba qilmoq, roʻyobga chiqmoq. Mana men ham bugun maqsadimiz tantana qilishiga ishonganim uchun shaharga tushib chiqmoqchiman. — H. Gʻulom, Mashʼal;Togʻda ham, pastda ham — hamma yerda mehnat tantana qilardi. — Sh. Rashidov, Boʻrondan kuchliChindan ham poyonsiz choʻlda hayot tantana qilardi. — Sh. Rashidov, Boʻrondan kuchli