от 1. Охир, поён, ниҳоя.
Иш тамомига етди. Ҳикояни тамомига етказмоқ.
2. Тамомила, бутунлай, батамом.
Тамом эсдан чиқармоқ. Тамом ишонмоқ.
Элмурод маъюс бир неча қадам босди. Ёʻқ, — деди ичида, — бу мен билган, мен синаган Фотима эмас. Энди ўзгариб, тамом бошқа бўлиб қолган. — П. Турсун, Ўқитувчи
Ярим кечага борганда, душман тамом ҳолдан тойиб, чекинишга мажбур бўлди. — А. Қаҳҳор, Олтин юлдуз
Зайнаб ҳам тамом ипакларга кўмилиб ясанган — А. Қодирий, Ўтган кунлар
3. олм. Бутун, барча, тамоми.
Тамом халқ мажлисга йиғилди.
Юсуфбек ҳожининг Нормуҳаммад қушбегига юборган чопари Қировчи яқинида унга етган ва қушбегини тамом сипоҳлари билан Тошкентга қайтарган эди. — А. Қодирий, Ўтган кунлар
қалампирмунчоқни гулобга ивитишиб, келиннинг тамом баданига суртишар эмиш. — К. Яшин, Ҳамза
4. кесим взф. Якунига етганлик, битганликни билдиради.
Тамом, хўжайин, ана, шай қилиб қўйдим. — К. Яшин, Ҳамза
Шаҳзодахон эрига кўзларини ўқдек қадаб, тан-танавор қараб тураверди. Бир зарб ўлса, тамом. — К. Яшин, Ҳамза
5. юкл. взф. Таъкид, кучайтирувни билдиради.
Дадам ичиб келдими, тамом, дарров қилдан қийиқ чиқариб, ойижонимни дўппослашга тушарди. — Э. Раимов, Ажаб қишлоқ
Шундан қўрқдими, тамом, ўлимдан қўрққани бўлади. Ўлимдан қўрққан киши қаҳрамон бўлолмайди. — А. Қаҳҳор, Олтин юлдуз
- Тамом бўлмоқ 1. Охирига, поёнига, ниҳоясига етмоқ, тугамоқ. Дарс тамом бўлди.— Олтин ўтда билинади, — деди Собирахон, — уруш тамом ҳам бўлар, ўйин-кулги учун тўпланганимизда, бу кунлар эртакдай бўлиб ҳам қолар. — А. Қаҳҳор, ХотинларҚурилиш тамом бўлди;Пул тамом бўлди. Вақт тамом бўлди.Занжирли реаксия ғоят даражада тезлик билан ривожланади ва парчаланувчи материалнинг ҳаммаси тамом бўлгунига қадар давом этади. — Фан ва турмушМайли, болам, бошга тушганни кўз кўрар, дейдилар. Мени қўйиб, ўзингни ҳам бир ўйлаб қўй. Бу ташвишлардан тамом бўлдинг-ку, болам! — О. Ёқубов, Айцам, тилим куяди, айтмасам — дилимЕган еб кетди. Ичган ичиб кетди. Аммо Абдувосеъ шу битта тўй билан тамом бўлди. — Муштум
- Тамом қилмоқ 1. Охирига, поёнига, ниҳоясига етказмоқ. Аҳмедов капсанчиларни колхоз тузишга чақириб, сўзини тамом қилди. Савол-жавобга ўтилди. — А. Қаҳҳор, Қўшчи-нор чироқлариМактаб қурилишини сентябргача тамом қиламиз;Ресурсларни тамом қилмоқ.Пул десанг —саноғи ёʻқ Санаб тамом қилиб бўлмайди. — М. Исмоилий, Фарғона тонг отгунчаУниверситетни тамом қилган киши;Ўғлининг ташвиши кампирни тамом қилди;Тўқсоновнинг мерганлик ҳаваси қўзиб, дарров Дадабойнинг елкасидаги сочма милтиқни олди-да, типирчилаётган итни бир отишда тамом қилди. — П. Турсун, ЎқитувчиБитта тўй уни тамом қилди.
- Адойи тамом бўлмоқ
- Гап тамом Бўлди, гап тугади, бошқа гапга ўрин ёʻқ. Шу билан гап тамом дегандек сайр қилиш учун дарахтлар остидаги ёʻлдан ичкари томон ёʻналди. — К. Яшин, Ҳамза