ot 1. Muhokama qilish, amalga oshirish yoki qabul qilish uchun taqdim etilgan fikr, masala, maslahat va shu kabilar
Taklif kiritmoq. Koʻpchilikning taklifi bilan qaror qabul qilmoq.
Laʼlixon kolxozga rais boʻlsin, degan taklif ovozga oʻyilganda, hamma bir koʻlini koʻtarsa, Bodom xola ikki koʻlini bab-baravar koʻtardi. — S. Ahmad, Qadrdon dalalar
Mening taklifim shuki Mirzayevga oʻxshaganlarga institutda oʻrin yoʻq. — Oʻ. Hoshimov, Qalbingga quloq sol
Taklifi oʻrinsiz chiqqanini sezdi-yu gapni kulgiga burdi. — P. Qodirov, Yulduzli tunlar
2. Tashrif buyurish, qadam ranjida qilish va shu kabilar haqidagi iltimos, soʻz, chaqiriq.
Taklif bileti.
— Rahmat, Olimxon aka, Men uyga boray, — Hakimboyvachcha taklifni oddiy manzirat deb bilgani uchun ketmoqchi boʻldi. — Oybek, Tanlangan asarlar
Azam taklifni kutib turmay, boʻsh yashik ustiga oʻtirdi. — R. Fayziy, Choʻlga bahor keldi
3. ikt. Muayyan vaqtda va muayyan narxlar bilan bozorga chiqarilgan va chiqarilishi mumkin boʻlgan tovarlar va xizmatlar miqdorini ifodalovchi tushuncha.
- Taklif qilmoq (yoki etmoq) Taklif bildirmoq, taklifini aytmoq. Meʼmorni koʻrishi bilan darhol oʻng qoʻli koʻksida, salom berib, ichkariga taklif etdi. — Mirmuhsin, MeʼmorKeyinchalik Sanobarni oʻsha avtobus shofyori ustidan boʻladigan sudga taklif qilishdi. — M. Xayrullayev, KoʻngilUstod Qavom non ushatib dasturxondagi shirinliklardan olishga taklif qildi. — Mirmuhsin, Meʼmor