Поиск

sft. Ish tajribasiga, malakaga ega boʻlmagan; gʻoʻr, xom.

Tajribasiz agronom.

Men hammani bir-bir sinab koʻrganimdan keyin, Hasanni hammadan tajribasizroq, soddaroq topib, shuni ovlashga kirishdim. — S. Ayniy, Qullar

ot 1. Muayyan maqsad-da amalga oshiriladigan, bilish, aniqlash, sinash va shu kabilarga qaratilgan ish, faoliyat.

Tajriba oʻtkazmoq. Tajriba natijalari. Tajribada sinab koʻrmoq.

Tajriba uchun ajratilgan uch gektar yer tizma togʻlarday bir-biriga ulanib ketgan adir etagida edi. — J. Abdullaxonov, Oriyat

Klark Mahdining yurak urishini tekshirib koʻrdi-yu, tajribani bas qildi. — S. Siyoyev, Yorugʻlik

2. Amaliy ishda, hayotda oʻzlashtirilgan, orttirilgan bilimlar, malakalar, uquvlar majmui.

Hayotiy tajriba. Pedagogik tajriba. Ilgʻorlarning tajribasini oʻrganmoq. Tajribalarni oʻrtoqlashmoq.

Bizning vazifamiz ilmni xalq tajribasi bilan boyitish va shu bilan birga xalq tajribasini ilmning elagidan oʻtkazishdir. — A. Qahhor, Qoʻshchinor chiroqlari

Biz ilgʻor mashʼallarimizning tajribasini ommalash-tirishimiz kerak. — F. Musajonov, Himmat

Shayboniyxon chorshanba kuni hayot-mamoti hal boʻlishini sezib, bor isteʼdodini, butun tajribasini ishga sola boshladi. — P. Qodirov, Yulduzli tunlar

3. fls. Obyektiv dunyoni, voqelikni amaliy jihatdan hissiy-empirik bilish jarayoni; obyektiv dunyo va ijtimoiy amaliyot qonunlarining kishi ongidagi inʼikosi.

Hissiy tajriba. Sanʼatkorning estetik tajribasi.

4. Bir masala, yoʻnalishda dastlabki tarzdagi ish, harakat va uning mahsuli.

Yosh ijod-korning birinchi tajribasi.

Oʻz gʻazallariga oʻzi taxmis bogʻlash tajribasini ham adabiyotimiz tarixida Navoiy boshlab berdi. — OʻTA

ot Tajribaga ega emaslik, tajriba koʻrmaganlik.

Siyosiy tajribasizlik. Tajribasizlik oqibatidagi kamchilik.

Mana, kechagi voqeani oling. Samolyotlar hujumi vaqtida komandirlar tajribasizlik qilishdi, jangchilar shoshib qolishdi. — I. Rahim, Chin muhabbat

sft. Katga tajribaga ega, koʻp tajriba, malaka orttirgan.

Tajribali oʻqituvchi. Tajribali rahbar.

Nigora Akramni tajribali, bilimdon vrach deb hurmat qilardi. — S. Anorboyev, Oqsoy

Darhaqiqat, paxtani tushuna oladigan, yerni biladigan tajribali raissan. — Sh. Rashidov, Boʻrondan kuchli

ot ayn. Tajribakor 2.

Tajribachi talaba.

sft. kam qoʻll. ayn. Tajribali.

Tajribador yilqichilar.