ot 1. kt. Miqdoriy yoki sifat oʻzgarishlaridagi darajama-darajalik, asta-sekinlik; tabiat va jamiyat hodisalarining harakat va rivojlanish shakllaridan biri; evolyutsiya.
shu usul ham sheʼrda hisni, manzarani va taʼsirni poyama-poyama tadrij bilan kuchaytirishga xizmat qiladi — M. Shayxzoda, Furqatning badiiy mahoratiga doir
2. ad. Mumtoz sheʼriyatda, asosan gʻazallarda muayyan obraz yoki tushunchani oʻxshatishlar vositasi bilan darajama-daraja rivojlantirib borishdan iborat badiiy usul.