Qidiruv

ot Tabiiy holat, shunday holatga egalik.

Tabassumning tabiiyligi.

[Kumush] Latif burni yonidagi qora xolining tabiiyligiga ishonmagandek qashib koʻrdi. — A. Qodiriy, Oʻtgan kunlar

Dadamat akaning butun vujudidan qatʼiyat, tabiiylik va samimiyat ufurib turardi. — F. Musajonov, Himmat

sft. 1. zid. Tabiatning oʻzida mavjud boʻlgan, inson taʼsiri boʻlmagan; sunʼiy.

Tabiiy boyliklar. Tabiiy sharoit. Tabiiy gaz.

Tuz tabiiy konlardan va shoʻr suvlardan olinishi maʼlum. — Fan va turmush

Uning fikricha, sunʼiy shoxlatilgan gʻoʻzaning yuzta sunʼiy koʻsagidan koʻra shoxlatilmagan gʻoʻzaning oʻnta tabiiy koʻsagi afzalroq — ogʻir va paxtasining tolasi uzun boʻlishi kerak edi. — A. Qahhor, Qoʻshchinor chiroqlari

Issiqkoʻl sohillarini tabiiy shifobaxsh maskan, deya bejiz aytishmaydi. — Gazetadan

2. Tabiatning oʻz asl holati, qonun-qoidalari bilan bogʻliq boʻlgan, bogʻliq holda yuz beradigan.

Tabiiy tanlanish. Tabiiy oʻzgarishlar.

Boburnoma ni varaqlar ekansiz, oʻrni-oʻrni bilan tabiat manzaralari chizilgan lavhalarga, tabiiy hodisalar tasviriga duch kelasiz. — Fan va turmush

Bu tabiiy ofat [er qimirlashi) kishilarning irodasi mustahkam, bir-biriga madadkor ekanligini yana bir bor isbotladi. — Gazetadan

3. Aslida (yaratilishida) bor boʻlgan, tugʻma.

Labidagi tabiiy xoli oʻziga yarashgan.

Tabiiy holati buzilmagan tuproqning unumdorligi tuproqning tabiiy unumdorligi deb ataladi. — Fan va turmush

4. kesim vzf. Odatga, mantiqqa toʻgʻri (keladigan), boʻladigan hol.

Yangi yil arafasi-da har bir qalbda eng dilbar orzular oshib-toshadi, bu — tabiiy. — Saodat

Katta ish bajarayotganda, odam mayda-chuyda kamchiliklarga yoʻl qoʻyishi tabiiy. — F. Musajonov, Himmat

Kishi ogʻir damlarda qadrdon doʻstlarini yodga olar ekan, yurtini qoʻmsashi tabiiy. — Nazarmat, Joʻrlar baland sayraydi

5. mod. s. Albatta, oʻz-oʻzidan, shubhasiz, aniq.

Tabiiy, Xushroʻyning feʼlini yaxshi bilgan ota-ona uning raʼyini olmasdan turib, bir ish qilmoqdan qoʻrqardilar. — A. Qodiriy, Oʻtgan kunlar

Soʻzamol, badavlat qari togʻaning birdan koʻz yumib, sukutga botishining sababini, tabiiy, Yoʻlchi tushunmadi. — Oybek, Tanlangan asarlar

Kech. Tabiiy, bu chogʻ kishilar orom ogʻushida. — N. Safarov, Olovli izlar

1. Bir şeye veya bir kimseye bağlı olma, bağımlılık, bağlılık.BIROVGA TOBE BOʻLISH, BOGʻLIQLIK

2. Uyrukluk.FUQAROLIK

ot 1. Tabiat hodisalari va qonuniyatlari haqidagi fan; tabiatshunoslik.

2. Maktabda tabiat toʻgʻrisida oʻqitiladigan predmet nomi.

Tabiiyotdan 5 baho oldim. Tabiiyot oʻqituvchisi.

1. Inson muloqoti, fikrlashi uchun xizmat qiladigan tovushlar, lugʻat va grammatik vositalar tizimi.inglizchanatural languageruschaестественный язык

2. Qoidalari aniq ifodalanmasa-da, zamonaviy soʻz ishlatishga asoslangan til.

vayronagarchilikka olib keluvchi, odatda toʻxtatib boʻlmaydigan tabiiy hodisa: zilzila, suv toshqini, sel, tayfun, vulqon otilib chiqishi, qurgʻoqchilik, choʻllashish, zararkunandalarning ommaviy ravishda koʻpayishi, changlatuvchi hasharotlarning hosilga xatar etish darajasida kamayishi va h.k.