Tabiiy ofat

vayronagarchilikka olib keluvchi, odatda toʻxtatib boʻlmaydigan tabiiy hodisa: zilzila, suv toshqini, sel, tayfun, vulqon otilib chiqishi, qurgʻoqchilik, choʻllashish, zararkunandalarning ommaviy ravishda koʻpayishi, changlatuvchi hasharotlarning hosilga xatar etish darajasida kamayishi va h.k.

odamlarning hayoti va sogʻligʻiga tahdid tugʻilishi mumkin boʻlgan yoki tugʻilgan, shuningdek moddiy boyliklar va atrof tabiiy muhitning tarkibiy qismlari vayron boʻlishi yoki yoʻq qilinishi mumkin boʻlgan, katta koʻlamda vayronalik keltiruvchi tabiiy va/yoki tabiiy-antropogen hodisa yoki jarayon.