Hayot Foundation loyihasi
Loyiha haqida
Oʻz
Oʻz

Qidiruv

«suyalmoq» boʻyicha 24 ta natija

Filtr
Lugʻat turi
Izohli Tarjima Terminologik Frazeologik
Tildan
Oʻzbekcha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

21 ta
suyamoq
Izohli lugʻat · yana 4 ta lugʻatda

fl. 1. Bir uchini yerga, ikkinchi uchini biror tik narsaga taqab turgʻizib qoʻymoq; tiramoq, tayamoq.

Hassani devorga suyab qoʻymoq. Tepib oʻtma, suyab oʻt. — Maqol

U devorga suyab qoʻyilgan oyboltaga tash-landi. — Yoshlik

2. Biror yeridan tutib, koʻtarib madad bermoq.

Kampir, aziz mehmonlarni oʻtqizgandan keyin, cholni suyab olib kirdi. — A. Qahhor, Oltin yulduz

[Soqi bobo] Uni qoʻl-tigʻidan suyab, otga mindirdi. — Ergash Jumanbulbul oʻgʻli

Oyoqlari uvushgan boyni aravadan suyab tushirishda bukriga Toshtemir koʻmaklashdi. — H. Gʻulom, Feruza

3. koʻchma Madad, yordam bermoq; qoʻllamoq.

Sen yoʻgʻingda meni shular suyab yurishdi-da. — H. Gʻulom, Mashʼal

Toʻliq maqola →
suyak
Izohli lugʻat · yana 5 ta lugʻatda

ot 1. Odam va umurtqali hayvonlar skeletining har bir qismi; soʻngak.

Oʻmrov suyagi. Tizza suyagi. Suyak ogʻrigʻi. Fil suyagi.

Suyak butun boʻlsa, et bitib ketar. — Maqol

Boʻrijonning oriq, umurtqa suyaklari boʻrtib, qovurgʻalari sanalib turgan qoʻsh hoʻkizi omochni zoʻrgʻa tortib boryapti. — S. Nurov, Maysalarni ayoz urmaydi

Bobo., umr boʻyi koʻksini bekitmagan, anordek qizgʻish koʻksidagi suyaklar boʻrtib chiqib turardi. Mirmuhsin, Umid. Odam qoni tarkibida, shuningdek, suyagida oʻttizdan ziyod element uchraydi. — Fan va turmush

2. Soʻyilgan molning etli ustuxoni (ov-qat sifatida).

Suyak qaynatmoq. Suyak tozalamoq.

Goʻsht suyaksiz boʻlmas, Sholi — kurmaksiz. — Maqol

Axir sen it emasding-ku, belanib loyga, Bir-biringni gʻajisang to suyak talashib. — A. Oripov, Yillar armoni

3. Etdan tozalangan ustuxon (xomashyo, material sifatida).

Suyak yelimi. Suyak oʻymakorligi. Suyak tugma. Suyak uni.

Suyakka gul chizib, asboblar (parma, arracha, egov va boshqalar) yordamida oʻyib, naqshlar hosil qilinadi hamda jilolanadi. — OʻzME

4. sft. Juda oriq, ozgʻin,

Suyak odam,

Chol seskanib, boshini koʻtardi, yigitni quchoqlab, suyak qoʻllari bilan uning yelkasini siladi. — Oybek, Tanlangan asarlar

5. koʻchma Avlod, nasl; urugʻ.

Sulton suyagini xoʻrlamas. — Maqol

  • Suyagi buzuq Suyaklari yoʻgʻon, boʻliq, boʻlali.
  • Suyagi qotmagan Yetilmagan; yosh, goʻdak. Men magʻrurlikka berilib, suyagi qotmagan oʻgʻlimni bu qoʻshinga bosh qilib yubordim va manmanlikning jazosini tortdim. — M. Osim, Ajdodlarimiz qissasi
  • Suyaklari chiqqan (yoki sanalib qolgan)
  • Suyak-suyagidan oʻtmoq 1. Butun tanasiga, suyaklarigacha taʼsir etmoq. Togʻdan esgan izgʻirin odamning suyak-suyagidan oʻtib ketadi. — M. Osim, Karvon yoʻllaridaBu soʻzlar Nusratbekning suyak-suyagidan oʻtib ketdi. — S. Nurov, Narvon
  • Eti — sizniki, suyagi — bizniki Toʻliq sizning ixtiyoringizga topshirdik, har qanday yoʻl, vosita bilan tarbiya-lab, odam qilasiz, degan maʼnoda qoʻllanadigan ibora. Bola olti yashar boʻlganda, podsho dasturxonni katta qilib, bolaning qoʻlidan yetaklab, maktabga olib boribdi: — Eti — sizniki, suyagi — bizniki, — deb domlaga beribdi. — Luqmoni Hakim
  • Eti suyagiga yopishgan Tishlari tushib, jagʻi-jagʻiga kirishib ketgan katta buvisi hassasini yerga taq etkizib urdi-yu, qurishib, eti suyagiga yopishib ketgan basharasini burishtirib, shangʻiy boshladi. — M. Ismoiliy, Fargʻona tong otguncha
  • Quruq (yoki qoq) suyak Juda oriq, ozgʻin, qotma.
  • -da suyagi qotgan Biror ishda koʻp ish-lagan, voyaga yetgan, chiniqqan; tajribakor. Meni kichkina, nimjon demang. Dalada oʻsganman. Ketmonda suyagim qotgan. — S. Ahmad, Ufq
  • Pichoq (borib) suyakka qadalmoq (yoki taqalmoq, yetmoq, tegmoq) Ahvol chidab boʻlmas darajaga yetmoq, sabr kosasi toʻlib-toshmoq. Bas, pichoq borib suyagimga yetdi. — Sh. Rashidov, Boʻrondan kuchliJon doʻstim, pichoq borib suyakka taqaldi, bu kecha ham uxlamay chiqdim. — R. Fayziy, Choʻlga bahor keldi
  • Suyagi yoʻq Hech narsaga yoʻq demaydigan, qaytarmaydigan; biror narsaga hirs qoʻygan odam haqida. [Qozi:] Xotirjam boʻling, boy. Qodirqul dodxohning bunaqangi ishlarga suyagi yoʻq. — Hamza, Tanlangan asarlar
  • Suyagi tinch Gʻam-tashvishni bilmaydigan, hech gʻami, tashvishi boʻlmagan odam haqida.
  • Suyagi tinchib qolmoq Gʻam-tashvish, janjal va shu kabilardan qutulmoq, oʻzidan tinchib, xotirjam boʻlib olmoq.
  • Suyagiga (yoki suyak-suyagiga) singimoq Odat tusiga kirib, mustahkam oʻrnashib olmoq, oʻrganish boʻlib qolmoq. — Ajabo, — dedi Sobirjon chiqib ketayotgan haligi yupungina cholga qarab, — mutelik ham odamning suyak-suyagiga munchalik singib ketar ekan-da. — Sharq yulduzi
  • Suyak surmoq Oʻzi suyak suradigan bir dard ekan bu. — S. Ahmad, Hukm
  • Tilning suyagi yoʻq Tilni tiymasang, har narsani gapiraveradi, koʻngilga kelganini qaytarmaydi. Avvali urish boʻlmasin, urish boʻlgandan keyin, til oʻlgurning suyagi yoʻq. — A. Qahhor, Qoʻsh-chinor chiroqlari
Toʻliq maqola →
suyam

ot Yozilgan holdagi koʻrsatkich barmoq uchi bilan bosh barmoq uchigacha boʻlgan masofaga teng uzunlik oʻlchovi.

Farhod choʻntagidan uch suyam zanjir chiqarib, shahodat barmogʻida aylantirib oʻynay boshadi. — Yoshlik

Mana kurash esdaligi, yaxshi qara: Boʻksasida bir suyamcha yamoq-yara. — F. Gʻulom

  • Besh suyam Taxminan bir metr.
  • Bir suyam Ozgina, kichkina, bir parcha. Bir suyam non.Bir suyam boʻlsa ham, oʻz mulkingiz. — A. Qahhor, Sarob
Toʻliq maqola →
suyanch
Izohli lugʻat · yana 4 ta lugʻatda

ot Tayanch boʻlib xizmat qiluvchi, madad beruvchi kuch; tayanchiq, tayanch.

Sendan oʻzga hech suyanchim boʻlmadi, Ne sababdir — kulib kelding, Yodgorjon? — Alpomish

Bu dunyoda birovga suyanch boʻlganing qoladi. — E. Samandar, Daryosini yoʻqotgan qirgʻoq

Toʻliq maqola →

Hammasini koʻrish · 21 →

Taʼriflar ichida

3 ta