Поиск

ot 1. Hovli, bogʻ va umuman ochiq yerda oʻtirish, yotish-turish uchun tuproqdan chorburchak shaklida koʻtarib qurilgan joy.

Baland supa. Supa qurmoq. Supaga joy qilmoq.

— Uyga kirib oʻtirmaylik, supaga joy qilib qoʻya qoling, devkor, — dedi koʻrinishidan ogʻzi kattaligi ham bilinmaydigan mehmon doʻrildoq tovushda. — Yoshlik

Hovuz atrofidagi supa did bilan bezatilgan. — Guldasta

2. Umuman, chorburchak shaklidagi, yerdan baland joy yoki qurilma.

Haykal oʻrnatilgan supa.

ot 1. Kichkina supa.

Supachada uxlar erkak va ayol, Yogʻoch beshik oʻrtalarida. — M. Yusuf, Uyqudagi qiz

Togʻasinikiga kelgan kuni kechqurun bogʻdagi supachada yotar, qushlarning sayrashiga quloq solardi. — M. Osim, Karvon yoʻllarida

2. Supa shaklidagi kichikroq, yerdan baland joy yoki qurilma.

Haykal supachasi.

ot geogr. Usti supaga oʻxshash tekis, yonlari tik togʻ.

ot Hovli yoki bogʻ oʻrtasida boʻladigan katta supa.

Shosupada, hovuz boʻyida Yonboshladik oxiri horib, Oftob kirib ketdi uyiga, Yulduz chiqdi osmonni yorib. — H. Sharipov

Shosupa ustiga suvlar sepilgan, Atrofiga yaxshi gullar ekilgan. — Rustam

ot Toʻrt tomonining uzunligi bir xil supa.

Hovli sahni oppoq, chorsupa yuzi, supa ustidagi soʻri yogʻochlari oppoq. — Sharq yulduzi

ot ayn. Shosupa.

Shohsupaga oqshom nafasin Suv boʻyidan urardi rayhon. — Shukrullo

Bular [mehmonlar] kirishi bilan oydinda shohsupadan barvasta bir odam qoʻzgʻalib: — Xush kelibsizlar, — dedi. — A. Muxtor, Chinor