ot 1. din. Hadislarda targʻib etilgan, ibodatda ham, muomalada ham qoʻllanuvchi amal.
Oʻgʻil bolani xatna qilish, uylanib oila qurish, farzandlarga yaxshi ism qoʻyish sunnat amallaridan sanaladi. — OʻzME
Ortiqcha mol-u dunyosidan xayr-u ehson qiladigan va sunnatga amal qilib, bidʼatlarga oʻtib ketmagan kishilarga qanday yaxshi! — Fan va turmush
2. Sunnat toʻyi Oʻgʻil toʻyi, xatna toʻyi.
Qiz chiqaradigan, oʻgʻil uylantiradigan, sunnat toʻyi qiladigan xotinlar oʻz toʻylarini Oʻzbek oyim kengashidan tashqari joʻnata olmas edilar. — A. Qodiriy, Oʻtgan kunlar
3. Sunnat (erkaklar ismi).
- Ham farz, ham sunnat — Qizim, — dedi Ernazar aka soqolini oʻychan silab, — oʻtgan safar juda maʼqul gap aytdingiz. Oʻylab qarasam, yerni yaxshilash ham farz, ham sunnat ekan. — I. Rahim, Ixlos