fl. Sudralmoq feʼlining birgalik nisbati.
Qidiruv
«sudralishmoq» boʻyicha 10 ta natija
Lugʻat maqolalari
10 ta
Izohli lugʻat
· yana 5 ta lugʻatda
fl. 1. Yerdan uzmay, koʻtarmay sirpantirib tortmoq, surgamoq.
Xodalarni sudramoq. Etaklarini yerda sudrab yurmoq.
Qish suvi qoʻyilgan katta paykal muzligida ikki qora koʻrindi. Bu muz ustida bir-birini sudrab, sirgʻanchiq uchayotgan bolalar edi. — N. Aminov, Qahqaha
Zargarov qumda etigini sudrab trassaning oxirrogʻiga yetganda, naq qulogʻining tagida qattiq zang chalindi. — A. Muxtor, Asarlar
[Iskandar] Yombini apil-tapil qopchiqqa joylab, narida yotgan kichkina zambilni sudrab keldi. — M. Mansurov, Yombi
2. Zoʻr bilan biror tomonga tortmoq, undamoq.
Boshim qotib, rayondagi choyxonada choy ichib oʻtirsam, Matqovul paydo boʻldi. Meni uyiga sudrovdi, bormadim. — H. Nazir, Oʻtlar tutashganda
Dod-faryodimga quloq solmay, dadam qoʻlimdan sudrab, uyga olib ketdi. — Oybek, Tanlangan asarlar
3. s. t. Amal-taqal qilib kiyib yurmoq.
Oʻzingiz bilasiz, toʻrt yildan beri bu yerda ishlayman, tinim yoʻq, ishdan boshim chiqmaydi. Lekin hali ham bir choponim ikki boʻlmadi. Hali ham qish-yoz bitta choriqni sudrayman. — Oybek, Tanlangan asarlar
4. koʻchma Paysalga solib yoki sustkashlik qilib, orqaga choʻzmoq, kechiktirmoq.
Ishni sudramoq.
- Oyogʻini sudrab bosmoq (yoki yurmoq) Oyogʻini zoʻr-bazoʻr bosib, sekin-asta yurmoq, sudralmoq. Oyogʻini sudrab, yana Bogʻchadarvoza tomon borar ekan, Shoiri zamon qayerda boʻldi ekan-a? deb xayollandi. — S. Siyoyev, Yorugʻlik
sft. Besoʻnaqay, ezma, kamharakat, ogʻir.
sft. 1. Tortib, sudrab yuriladigan; tirkama.
Sudratma arava.
2. tar. Odamga sirtmoq solib, otda sudrash yoʻli bilan jazolash, qatl qilish usuli.
Oʻgʻri endi meni otiga sudratma qilmoqchi boʻldi. — Yoshlik
Toshkent olomonining talablari bilan Azizbekning ikki oyogʻidan ar-qon bilan bogʻlab, otning choviga sudratma qildilar. — A. Qodiriy, Oʻtgan kunlar
Izohli lugʻat
· yana 4 ta lugʻatda
fl. 1. Sudramoq feʼlining oʻzlik va majhul nisbati.
2. koʻchma Orqada qolmoq, kechikmoq, choʻzilmoq.
Ishning sudralishi. Qurilishning sudralishi.
Kolxoz tinchishga tinchidi-yu, koʻklam ishi nihoyatda sudraldi. — A. Qahhor, Qoʻshchinor chiroqlari
3. Imillab yurmoq, sekin bormoq; imillab yurib yoki sustkashlik qilib, keyinda qolmoq.
Oxirgi oʻrinda sudralib bormoq.
[Meli polvon] Hammaning astoydil ketmon urayotganini koʻrib, mamnun boʻldi. Eng chetdagi Moʻmin qiyshiqning sudralayotgani uning gʻashiga tegdi. — P. Tursun, Oʻqituvchi
Chang va shovqin orasida asta sudralgan horgʻin grajdan aholi: ayollar, bolalar, chollar ham koʻp edi. — Oybek, Quyosh qoraymas
- Sudralib yuruvchilar Gavdasi yerda sudralib yurganligi uchun, kaltakesak va unga oʻxshash hayvonlar sudralib yuruvchilar deb ataladi. — Zoologiya
fl. Sudramoq feʼlining orttirma nisbati.