Қидирув

фл. 1. Ердан узмай, кўтармай сирпантириб тортмоқ, сургамоқ.

Ходаларни судрамоқ. Этакларини ерда судраб юрмоқ.

Қиш суви қўйилган катта пайкал музлигида икки қора кўринди. Бу муз устида бир-бирини судраб, сирғанчиқ учаётган болалар эди. — Н. Аминов, Қаҳқаҳа

Заргаров қумда этигини судраб трассанинг охирроғига етганда, нақ қулоғининг тагида қаттиқ занг чалинди. — А. Мухтор, Асарлар

[Искандар] Ёмбини апил-тапил қопчиққа жойлаб, нарида ётган кичкина замбилни судраб келди. — М. Мансуров, Ёмби

2. Зўр билан бирор томонга тортмоқ, ундамоқ.

Бошим қотиб, раёндаги чойхонада чой ичиб ўтирсам, Матқовул пайдо бўлди. Мени уйига судровди, бормадим. — Ҳ. Назир, Ўтлар туташганда

Дод-фарёдимга қулоқ солмай, дадам қўлимдан судраб, уйга олиб кетди. — Ойбек, Танланган асарлар

3. с. т. Амал-тақал қилиб кийиб юрмоқ.

Ўзингиз биласиз, тўрт йилдан бери бу ерда ишлайман, тиним ёʻқ, ишдан бошим чиқмайди. Лекин ҳали ҳам бир чопоним икки бўлмади. Ҳали ҳам қиш-ёз битта чориқни судрайман. — Ойбек, Танланган асарлар

4. кўчма Пайсалга солиб ёки сусткашлик қилиб, орқага чўзмоқ, кечиктирмоқ.

Ишни судрамоқ.

фл. 1. Судрамоқ феълининг ўзлик ва мажҳул нисбати.

2. кўчма Орқада қолмоқ, кечикмоқ, чўзилмоқ.

Ишнинг судралиши. Қурилишнинг судралиши.

Колхоз тинчишга тинчиди-ю, кўклам иши ниҳоятда судралди. — А. Қаҳҳор, Қўшчинор чироқлари

3. Имиллаб юрмоқ, секин бормоқ; имиллаб юриб ёки сусткашлик қилиб, кейинда қолмоқ.

Охирги ўринда судралиб бормоқ.

[Мели полвон] Ҳамманинг астойдил кетмон ураётганини кўриб, мамнун бўлди. Энг четдаги Мўмин қийшиқнинг судралаётгани унинг ғашига тегди. — П. Турсун, Ўқитувчи

Чанг ва шовқин орасида аста судралган ҳорғин граждан аҳоли: аёллар, болалар, чоллар ҳам кўп эди. — Ойбек, Қуёш қораймас

сфт. Бесўнақай, эзма, камҳаракат, оғир.

от 1. Судралмоқ феълидан сифатдош.

2. асосан кўплик шаклда) (Асосан ер бағирлаб ўрмалаб (судралиб) ёки қорни билан сургалиб ҳаракатланадиган умуртқали ҳайвонлар синфи (илон, калтакесак, тимсоҳ, тошбақа).

фл. Судралмоқ феълининг биргалик нисбати.

фл. Судралмоқ феълининг орттирма нисбати.