Qidiruv

fl. 1. Pulga ayirbosh qilmoq, belgili kelishilgan pul evaziga bermoq.

Arzon sotmoq. Qimmat sotmoq. Pulga sotmoq. Oʻz narxiga sotmoq.

— Yoʻlingdan qolma! — dedi u Zulfizarga oʻqrayib. — Sendaqalarga sotadigan uzumim yoʻq! — K. Yashin, Hamza

2. koʻchma nafr. Sotqinlik, xoinlik qilmoq.

Doʻstini sotmoq. Vatanni sotgan er boʻlmasalan — Maqol

fl. Sotmoq feʼlining majhul nisbati.

ot 1. Bitta yoʻgʻon etli oʻqda joylashgan toʻpgul.

2. Makkajoʻxorining donli yoki doni olingandan keyin qolgan oʻzagi; toʻpmevasi.

Soʻta yoqmoq. Soʻtalarni yigʻishtirmoq.

Mana shu hafta suvli darada kiyik joʻxori soʻtasini kemirib turganini oʻz koʻzim bilan koʻrdim. — N. Normatov, Ismoil togʻa tarozisi

Donalari marvaridday joʻxori soʻtasini otmoqchiday, ona doʻq qildi qizga. — Oybek, Oltin vodiydan shabadalar

3. shv. Tayoq, kaltak.

Ha, boʻyning uzilgur! deb, yerdan uzun soʻta olib quvdi. — S. Siyoyev, Saratonda qor yogʻdi

Qirdan oshgan yerda bir odam kelyapti, egnida janda, qoʻlida soʻta, ogʻzidan parcha-parcha koʻpik toʻkilib kelyapti. — Yusuf va Ahmad

ot Sodda, goʻl.

Soʻtak odam.

— Kekirtagingni uzib tashlayman, soʻtak! — degan dargʻazab ovozlar eshitiladi. — X. Toʻxtaboyev, Yillar va yoʻllar

ot Gektarning yuzdan bir qismiga teng sath oʻlchovi birligi.

Ularning yigirma sotix tomorqasi boʻlib, unda otasi ekib ketgan xil-xil mevali daraxtlar koʻp edi. — Sh. Xolmirzayev, Bodom qishda gulladi

Ariqning narigi betida oʻn sotixcha tomorqamiz bor edi. — Yoshlik

ot nafr. Oʻz vijdonini sotib, qarshi tomonga oʻtgan; sotilgan, xoin.

Sotqin odam,

Ul nobakor Balx hokimi sotqin tuzib, isyon bayrogʻini baland koʻtardi. — M. Osim, Karvon yoʻllarida

Mulla Tursunning sotqin va riyokor ekanligi koʻpchilikka maʼlum boʻldi. — Saodat