Qidiruv

sft. 1. Tilsiz, gung, gungalak.

Tugʻma soqov. Kar va soqov.

Uzlarini butkul huzur-halovatga topshirgan shirakayf mehmonlar tasodifan kirib qolgan, koʻzlarida qoʻrquv aralash besaranjomlik aks etgan soqov bolaga ajabsinib tikilishdi. — Yoshlik

2. Baʼzi tovushlarni qiynalib talaffuz qiladigan yoki tutilib gapiradigan; duduq.

ot tib. Tugʻma yoki ilk bolalik davrida roʻy bergan karlik oqibatida kelib chiqadigan nuqson; gunglik, tilsizlik.

Eshitish qobiliyati saqlanib qolganda esa soqovlikka nutq markazi yoki markaziy nerv sistemasining zararlanishi sabab boʻladi. — OʻzME

Sevargul nihoyat soqovlik azobidan qutulib, burro-burro gapirib yuborganidanmi xiyla xushhol edi. — N. Qilichev, Chigʻiriq

sft. 1. Tili chuchuk.

2. Duduq.

fl. Tutilib gapirmoq duduqlanmoq.

Har safar uchrashganda, yangidan tanishgandek, avval bir qizarishib olib, keyin gap topolmay soqovlanib, tutilib gap boshlashardi. — Mirmuhsin, Umid

Koʻkragini baland tutdi-da, yaktak choʻntagidan nosini olib, bir chimdimini til tagiga tashladi. Bir oz soqovlanib soʻzladi. — Oydin, Shiringa maktub

sft. Ham kar ham soqov boʻlgan odam.