ot 1. Muayyan joyni, hududni muhofaza qiluvchi qurollangan qoʻriqchi, posbon.
Chegara soqchilari.
Chegarada tikanli simlar, miltiqli soqchilar — qush uchib oʻtishi mushkul. — Gazetadan
Shahar atrofini oʻrab olgan paxsa devorlar ustida soqchilar-gina u yoqdan bu yoqqa yurib turar edi. — Oydin, Hikoyalar
2. Qoʻriqchi, qarovchi, qorovul.
Suruv oʻz soqchilariga toʻla ishonch bilan pish-pish mudramoqda. — S. Anorboyev, Oqsoy
3. Biror kimsaning xavfsizligini saqlash uchun belgilangan shaxs, shaxsiy qoʻriqchi.
[Sardor:] Oʻz yerimda jonimni hovuchlab, soqchi bilan yuramanmi endi! — Sharq yulduzi
Qoʻlga tushmoqdan qoʻrqadigan tashmachiday, meni oʻziga soqchi qilib olarmidi? — M. M. Doʻst, Lolazor
4. Muhofaza, himoya qiluvchi, qoʻriqlovchi, saqlovchi, posbon.
Tinchlik soqchilari.
- Soqchi kema Soqchilik xizmati uchun belgilangan harbiy kema.