Поиск

fl. Oʻzicha, hech kimga qaratmasdan soʻkmoq; koyinmoq.

Yaxshiboyev boʻra-lab soʻkindi, lekin koʻzini ochdi. M. M. — Doʻst, Lolazor

Shohmurod Koʻhistoniy kun boʻyi diqqat boʻlib, soʻkinib yurdi. — Mirmuhsin, Temur Malik

Faqat uzoqdan Qodir dev-korning qorasi koʻrindi deguncha, poʻngʻillab soʻkingancha, koʻzdan pinhon boʻlishadi, juftakni rostlab qolishadi. — Yoshlik

fl. Tikilgan narsaning ipini uzib, sugʻurib, boʻlaklarga ajratmoq.

Koʻrpani soʻkib, agʻdarib tikmoq.

[Otabek] Tikilgan iplarni soʻkdi va maktubni ochib, och koʻzini ishga qoʻydi. — A. Qodiriy, Oʻtgan kunlar

1. Tozalangan, oqlangan tariq

Xom soʻk. Qovurilgan soʻk. Soʻk oshi. Ovqatga soʻk solmok. Soʻk tolqon

Dasturxonda yana oʻsha qurt, suzma, soʻk paydo boʻldi, saldan keyin eshikdan bir guruh qizlar koʻrindi — O. Yoqubov, Er boshiga ish tushsa

Palossiz, zax sementda yotasan, Har kuni yeydigan bir choʻmich yovgʻon soʻk oshi yoki suli boʻtqadan ham mahrum boʻlib, ikki yuz gramm non va suvga kuning qoladi — "Yoshlik"

2. Ogʻziga soʻk solmoq ayn. ogʻziga tolqon solmoq q. tolqon. . . Soʻk oshiga surnay q. surnay

Nihoyat, Fayzulla chidab turolmadi: soʻkX a > ogʻzinglarga soʻk solvoldi-laringmi bugun? — X. Sultonov, Bir oqshom ertagi

Mana bugun ham Habiba bilan Qudrat, oralaridan olamushuk oʻtganday, ogʻzi-lariga soʻk solib kirib kelishdi — Q. Kenja, Togʻ yoʻlida bir oqshom

sft. 1. Sukunatga choʻmgan, jimjit.

Oydin oqshomlarda qishloqning sokin koʻchalarida Mansur bilan jimgina kezishlarning ham ajib bir gashti bor edi. — Oʻ. Hoshimov, Qalbingga quloq sol

Kafe sokin va tinch, odam siyrak, atrof katta daraxtlar bilan oʻralgan. — F. Musajonov, Himmat

Qiz hamon qoʻngʻiroqdek kular, sokin bugʻuning shodon qahqahasi bilan toʻlgan edi. — Oʻ. Hoshimov, Qalbingga quloq sol

2. Harakatsiz, tinch.

Dengiz sokin. Mening koʻnglim Boʻron tilab turibdi — X. Davron, Qaqnus

Kuzak shamollari esdilar yana, Sokin yuragimda tuygʻular qoʻzgʻab. — A. Oripov, Hayrat

Oppoq bulut izgʻir sarosar, Oppoq bulut sokin osmonda. — R. Parfi, Koʻzlar

3. Past, bosiq (ovoz haqida).

Yodgor gʻuvullab ketayotgan boshini bazoʻr koʻtarib qaradi: Mahmuda Aliyevna hamon oʻsha sokin ovozda gapirar edi. Oʻ. — Hoshimov, Qalbingga quloq sol

Nim shabadada azim chinorning sirli bagʻridan chiqib kelgan sokin va qudratli shovullash olamni tutdi. A. — Muxtor, Asarlar

4. rvsh. Asta-sekin, bir maromda.

Tiniq moviy osmonda parcha-parcha oq, pushtirang bulutlar sokin suzadi. — N. Aminov, Yolgʻonchi farishtalar

Nomiga yarasha qoramtir suv sokin, viqorli oqadi, tollarning yoʻgʻon qizgʻish ildizlarini yuvadi. — H. Gʻulom, Binafsha atri

5. rvsh. Xotirjam, osoyishta.

Saroy vaziri podsho huzurida oʻzini sokin va betakalluf tutgan hakimni birinchi marotaba koʻrishi edi. — M. Osim, Ibn Sino qissasi

Temirjonning boqishlari sokin, qomati ham xuddi tabiatiga mos tushganday nozikkina. — J. Abdullaxonov, Oriyat

İl, ilçe gibi yerleşim bölgelerinde, iki yanında evler olan, caddeye oranla daha dar veya kısa olabilen yol.KOʻCHA

1. Sakat (kimse), malul.NOGIRON

2. Güçsüz.KUCHSIZ