Qidiruv

1. 1. Oʻzidan katta kishining yoki hurmat bildiriladigan shaxsning nomi oʻrnida qoʻllanuvchi soʻz (tinglovchiga nisbatan)

Bu sizning kitobingizmi?

[Oksol]:Qimirlamang, otaxon! Siz kelganda, biz tursak yarashadi, biz kelganda, siz tursangiz, xunuk koʻrinadi — A. Qahhor, Asarlar

[Meʼmor:] Maymanadagi Horun boʻzchi — siz boʻlasizmi? — Mirmuhsin, Meʼmor

Akram aka! — qizning ovozida gina aralash iltijo bor edi. — Siz meni tushunishni ham xohlamayapsiz! — Gazetadan

2. 2. Koʻpchilikka qilingan murojaatda qoʻllanadi

Mana, Nazira xola ham, Shahodat xola ham kelishdi. Yaxshi boʻldi. Oʻzim ham sizlarni yigʻib, ikki ogʻiz gaplashmoqchi edim — A. Qahhor, Xotinlar

Sizlar kim boʻlasiz? — dedi Choʻli bobo. Mana bu yigit bek hazratlarining inilari, — dedi Meʼmor — Mirmuhsin, Meʼmor

fl. 1. Biror narsa orqali yoki uning orasidan asta-sekin yoki tomchilab oʻtmoq.

Molxona tomining boʻgʻotidan sizib tushayotgan yirik-yirik tomchilar ora-chora yaraqlardi. — Oʻ. Hoshimov, Qalbingga quloq sol

Sobirning Lablarining chetidan shoʻrtang tomchilar sizib kirdi. — M. Mansurov, Yombi

Orif aka tosh tagidan sizib chiqqan bir chashmadan yotib suv ichdi. — A. Muxtor, Chinor

2. koʻchma Asta-sekinlik bilan, ohista.

Yangroq kuy yurakka sizib kirib, goʻyo sizni anvoi gullar chamanzoriga yetaklagandek boʻladi. — Gazetadan

Nusratbekning koʻnglidan: Gulxayri biron joyga ketsaydi, degan istak sizib oʻtdi. — S. Nurov, Narvon

fl. shv. ayn. Sizmoq 1, 2.

Mayin yel choʻqqilarni quchib yotgan qor nafasini olib keladi; muzlikdan sizgʻib tushayotgan suv shildirab oqadi. — Y. Shamsharov, Toshqin

Tok barglari orasidan sizgʻib oʻtgan tangadek oftob nurida oltindek tovlanib turgan antiqa behilarga mehmonning koʻzi tushib, zavqlandi. — M. Xayrullayev, Alyor

ot Bir nima orasidan sizib chiquvchi modda, suyuqlik.

fl. Sizmoq feʼlining majhul nisbati.