sft. 1. Siqilgan, qisilgan, siqimlangan.
Siqiq musht.
2. Tor, kichkina.
Kichik masjid qishloqning Eshon mahalla deb atalgan qismida boʻlib, siqiqroq bir xonaqoh va torroq bir ayvondan iborat. — A. Qodiriy, Obid ketmon
3. Haq-huquqdan, erkinlikdan mahrum; siquv, iskanja ostidagi; tang.
Siqiq vaziyat. Siqiq hayot.
Sultonxon, bechora, kundoshlarini “ahmoq“ deb oʻylaydi. Holbuki, u siqiq muhitda yashovchilarning hammasi bir-birini aldashga, bir-birini ahmoq qilib qoldirishga urinadi Choʻlpon, — Kecha va kunduz
4. Chekli, cheklangan, tang.
— Yer joʻnidan siqiqroqmiz, — dedi boshini asta qimirlatib — Oʻktam. Oybek, Oltin vodiydan shabadalar
5. Muxtasar, ixcham.
siqiq va chuqur maʼno bildiradigan maqollar tugal bir poetik asar mazmuniga teng keladi. — Gazetadan
Chindan ham istiora eng siqiq shakldagi oʻxshatishni eslatadi. — UTA
6. ot Siquv, tazyiq, iskanja.
[Sulaymonov] Turli fikrlar siqigʻidan chiqib, bir qarorga kelganday, Rahmon otani olib kelishlarini soʻradi. I. — Qalandarov. Shoxidamas, bargida
- Siqiqqa olmoq Rosa siqmoq, qiynamoq, iskanjaga olmoq. — Bechora Moʻmin aka!—rais xoxolab kulib yubordi. — Bu yoqda siz [Yulduzxon], bu yoqda jurnalist oʻrtoq Toza siqiqqa oldilaring-ku shoʻrlikni. — O. Yoqubov, Bir felyeton qissasi