Қидирув

фл. 1. Синовдан ўтказмоқ, текширмоқ, текшириб кўрмоқ.

Тайёр машиналарни синамоқ. Синамаган отнинг сиртидан ўтма. — Мақол

Эр йигитни майдонда сина. — Мақол

У [Азиз Абдураззоқ] фақат шеър ёзиб қолмай, насрий ҳажвчиликда ҳам кучини синамоқда. — Муштум

Шилдир-шилдир қамишга сирғам тушди, ёр-ёр, Синалмаган йигитга синглим тушди, ёр-ёр. — Оқ олма, қизил олма

2. Бир предметни (масалан, дорини, таомни) ишлатиб кўриб ёки истеъмол қилиб, таъсирини аниқламоқ.

Тоҳиржон киноя билан жилмайди: — Барча дорини синадим. Меники бедаво дард. — Ойбек, Танланган асарлар

3. Имтиҳон қилиб, билим даражасини аниқламоқ.

Ўқувчиларни физикадан синаб кўрмоқ.

4. Ўсмоқчилаб сўрамоқ, қўйнига қўл солмоқ.

Унинг [Ҳотамнинг] сахийлиги ростми, ёлғонми — синаш мақсадида, бир-икки одам ўша тулпорни сўраб, олдига боришибди. — Шукрулло, Жавоҳирлар сандиғи

5. Бошидан кечирмоқ, ўз тажрибасида, ҳаётида кўриб билмоқ.

Қарзга ёʻлиққандан кўра, балойи ногаҳонга ёʻлиққан яхши. Ҳаммасини синадик. — Ойбек, Танланган асарлар

Синасин ўз бахтини, Бахти қўлласин уни. — Ҳ. Олимжон

ўзбекчасинамоқ, текширмоқрусчапроверятьинглизчаtest

Sïnamiš kišining bišïy ol iši Tajribali (sinalgan) kishining ishi ham puxta bo‘ladi – У опытного человека дела в порядке (закончены) – An experienced person’s affairs is punctual (completed)

фл. 1. Синамоқ феълининг биргалик нисбати.

Улар меҳмонни хўп синашди.

[Қудрат:] Ҳозирча мен сиз билан бахт синашиб кўрмоқчиман. — Н. Сафаров, Уйғониш

2. Ўзаро бир-бирини синамоқ, бир-бирининг хислат-фазилатларини яқиндан ўрганмоқ, синашта бўлмоқ.

Ҳамма фикр-у зикри, бутун борлиғи билан кенг даврада куч синашиб юрган икки зўр полвонга тикилиб қолган эди. — М. Исмоилий, Фарғона тонг отгунча.

от 1. Яхши синалган, текширилган, таниш, қадрдон, яқин.

Қоровул синашта эди, итоаткорона бош эгди: — Тушундим, хўжайин. — С. Сиёев, Отлиқ аёл

Пошшохон савдони синашта кишилар орқали зимдан амалга оширадиган ёʻлни топди. — Д. Нурий, Осмон устуни

2. Бошидан кечирилган, синаб, тотиб кўрилган; тажрибадан ўтказилган.

Бу дард айниқса Отабекка уч йилдан бери синашта. — А. Қодирий, Ўтган кунлар

от Синовдан ўтганлик, ишончлилик.