Поиск

rvsh. Idishning cheti, labi, ogʻzi bilan baravar qilib

Kosani sila qilib toʻldirmoq. Oshga sila uch piyola guruch solmoq

fl. 1. Ustidan kaft yurgizmoq, siypamoq.

Dargʻa oppoq soqolin silab, Qarab qoldi boʻlib parishon. — E. Rahim

Inobat, xuddi boʻgʻilib ketayotganday, roʻmolini yechib, tomogʻini siladi. — O. Yoqubov, Er boshiga ish tushsa

2. Ustidan qoʻlini astagina yurgizib, siypab erkalatmoq.

Gʻulomjon otxonaga kirib, toʻkilgan bedalarni oxurga terib soldi, qorongʻida ham samanining peshonasini silab, suyib qoʻydi. — M. Ismoiliy, Fargʻona tong otguncha

3. koʻchma Mayin, ohista tegmoq (shamol, yel, shabada haqida).

Ariqlar boʻyida maysalar shivirlashardi, shabada qirmizi yuzlarni silab, qoʻshiq kuylardi. — Gazetadan

Mayin esayotgan shamol daraxtlar soyasida yugurib borayotgan Saodatning yuzini, sochlarini silab oʻtadi. — N. Safarov, Saodatning qissasi

ot 1. Turli aʼzolar, asosan, oʻpkada oʻziga xos yalligʻlanish bilan kechadigan surunkali yuqumli kasal-lik; tuberkulyoz.

Oʻpka sili. Suyak sili. Sil shifoxonasi.

Tamaki tutuni tarkibidagi zaharli moddalar turli xil oʻpka xastaliklari — bronxit, sil, rak kasalliklariga olib kelishi mumkin. — Gazetadan

Sut oʻpka yarasi va silga qarshi ishlatiladigan xalq dori-darmonidir. — K. Mahmudov, Oʻzbek tansiq taomlari

2. Shu kasal bilan ogʻrigan bemor.

Sillarni davolamoq. Sillarni izolyatsiya qilmoq.

ot 1. Ip, chilvir, chiviq koʻrinishdagi uzun metall buyum.

Poʻlat sim. Mis sim. Yoʻgʻon sim. Ingichka sim. Sim toʻr. Sim gʻov.

[Hojar:] Nima? Ogʻzingizni yoping! Molxonaga sim bilan tortib qoʻyaman, ostonadan oʻligi chiqadi. — Hamza, Paranji sirlari

Yoʻl chekkasidagi yantoqlar xuddi zang bosgan simday qovjirab yotar edi. — N. Fozilov, Diydor

2. Elektr yoki telefon liniyasiga tortiladigan oʻtkazgich.

Elektr simi. Telefon simi. Sim tortmoq.

Vagonlar oʻntacha keladi. Ularning tepasidan bir-biriga elektr simi tortilgan. — H. Nazir, Yonar daryo

3. Musiqa asboblarining metall ipi; metall tor.

Tanbur simi,

Agar aldamasa shu sovuq simlar, Gar shul eshitganim boʻlmasa roʻyo, Sen ona emassan, dorsan, tabiat, Sen beshik emassan, jallodsan, dunyo! — A. Oripov

4. Simdan yasalgan, toʻqilgan.

Viktor shunday dedi-yu, eski sim karavot tagidan sandiqdek zil-zambil chamadonini tortib oldi. — S. Karomatov, Oltin qum

Etakdagi sim toʻr ortida tovuqlar qaqagʻlaydi. — Oʻ. Hoshimov, Qalbingga quloq sol

1. Oʻzgalardan maxfiy tutilgan yoki oʻzgalarga nomaʼlum boʻlgan biror ish, ran, narsa va b

Harbiy sir. Yurakdagi sir. Sir saqlamoq. Sir tutmoq. Sirni oshkora qilmoq. Dushmanning kulgani — siringni bilgani — Maqol

Oʻz doʻstim deb sir aytma, doʻstingning ham doʻsti bor — Maqol

Otabek nima deb aytishga soʻz topolmay qoldi. Chunki yurak sirini ifoda qilarlik jumla topish mumkin emas edi. A — Qodiriy, Oʻtgan kunlar

Ahmad yuragida yashirib yurgan sir tunu kun, bir daqiqa ham unga tinchlik bermasdi — F. Musajonov, Himmat

2. Hali ochilmagan, anikdanmagan, ilm-fan hali oʻrganib yetmagan, inson uchun hali nomaʼlum narsa

Koinot sirlari

Oyga uchirilgan ikkinchi raketa kosmos sirlarini bilishga doyr qimmatli maʼlumotlar berdi — "Fan va turmush"

Olimlarning ushbu holdan Chimirildi qoshlari. Bu qanaqa sir boʻldi, deb Tomom qotdi boshlari — A. Oripov, Yillar armoni

Odamzod doimo dunyo sirlarini bilishga harakat qilib kelgan — "Fan va turmush"

3. Biror soha yoki faoliyat turining oʻzigagina xos boʻlgan xususiyat; malaka

-Boʻtam, siz koshinpazlik hunaridagi hamma sirlarni diqqat bilan oʻrganganmidingiz?[deb soʻradi Meʼmor] — Mirmuhsin, Meʼmor

Badiiy ijod sirlariga, ijod psixologiyasiga qiziqish ommaviy maʼnaviy ehtiyojga aylanib qolgan ekan, uni oʻrganish foydali — U. Normatov, Talant tarbiyasi

ot Kabob pishirish uchun metalldan, baʼzan yogʻochdan tayyorlanadigan uchi nayza choʻp.

Bir six kabob. Goʻshtni sixga tortmoq.

Dasturxonda kabob sixlari, ichib tugallanmagan konyak, vino shishalari turibdi; karavotda kimdir xurrak tortmoqda. — I. Rahim, Chin muhabbat

Oʻrtaga kabob keldi. Aʼzamjon aka oʻz qoʻli bilan ikki-ikki sixdan rasamadi bilan mehmonlarning likopchasiga qoʻydi. — S. Ahmad, Saylanma