Поиск

sft. 1. Meʼyoridan ortiq tuz solingan, taʼmi oʻt-kir (ovqat, taom haqida).

Shoʻr ovqat. Palovni shoʻr qilib qoʻymoq. Achchiq-chuchukni shoʻr qilib yubormoq.

[Qodirjon:] Hali osh vaqtida, oshning tuzini past qilib qoʻyib-san yoki shoʻr qilib qoʻyibsan, deb bahona qilaman-da, katta janjal chiqaraman. — Hamza, Tuhmatchilar jazosi

2. Tuzlangan.

Shoʻr baliq. Shoʻr karam.

3. Tarkibida tuz moddasi koʻp boʻlgan, shoʻr bosgan.

Shoʻr dengiz. Shoʻr koʻl. Shoʻr tuproq. Shoʻr suv.

Ayniqsa, erta bahorda boronalash shoʻr yerlarda katta foyda beradi. — Gazetadan

4. ot Tuproq tarkibida tuzning koʻpligidan yer betida hosil boʻlgan tuz moddasi.

Yerning shoʻrini yuvmoq.

Yerda hali shoʻr koʻp. Sotiboldi otam ham mening fikrimni tasdiqlayaptilar. — N. Safarov, Xadicha Ahrorova

Oʻrmonjon shoʻr bosgan yerdan ilon izi boʻlib oʻtib, toʻqayga kirib ketgan tuproqtepani qamchining sopi bilan koʻrsatib: — Kanal! — dedi. — A. Qahhor, Qoʻshchinor chiroqlari

5. Terning ust-boshga tepishidan kiyimda hosil boʻladigan tuz, oq dogʻ.

Erta-yu kech tosh maydalab yelkalarini bir ellik shoʻr bosgan yigitlar [darvishga:] Yoʻlingdan qol-ma! deyishibdi. — S. Anorboyev, Oqsoy

Ot yoʻrttirib Yusuf Madyorov kelib qoldi. U hamon temiryoʻlchi kiyimida — egnida qora kitel, terining shoʻri yelkasida oqarib yotardi. — Sh. Toshmatov, Erk qushi

ot Tashlandiq yerlarda, ekin maydonlarida gʻovlab oʻsadigan, barglarining usti yaltiroq, osti kulrang yovvoyi oʻt.

Ariqning narigi yonida kakra, supurgi, shoʻra, sassiq-kapa, yana allaqanday yovvoyi oʻtlar gʻovlab yotardi. — A. Muxtor, Opa-singillar

Erta bahor Yorqinoy koʻk terib yuribdi. Qoʻlidagi sirlangan togʻorani u yerdan bu yerga surar, u yon-bu yoniga elanib, otquloq, ismaloq, jagʻ-jagʻ, momaqaymoq, yalpiz, shoʻra qidirardi. — R. Rahmon, Mehr koʻzda

ot 1. 1 Sovet hokimiyatining (sovetlarning) 20-asr 20-40-yillarigacha oʻzbek va boshqalar tur-kiy tillarda ishlatilgan nomi (1990 yillar oxirida oʻzbek tilida yana qoʻllana boshladi).

Kerenskiy hukumati agʻdarilib, shoʻrolar hukumati tuzildi. — N. Safarov, Olovli izlar

Shoʻrolar hokimiyati boyning mol-mulklarini musodara qildi. — H. Gʻulom, Zamin yulduzlari

2. Oʻsha davrlarda saylab yoki tayinlab qoʻyiladigan boshqaruv-rahbarlik, davlat yoki jamoat organi va u joylashgan joy.

Davlat plan komissiyasi tashkil qilinib, unga nozirlar shoʻrosi raisi muovini Tursunxoʻjayevni boshliq qilib tayinlashdi. — J. Sharipov, Xorazm

Qishloq shoʻrosi Uchquloq qishlogʻiga joylashgan. — A. Qodiriy, Obid ketmon

ot 1. Tuzli, shoʻr.

2. Baʼzi ovqat nomlarini bildiruvchi qoʻshma soʻzlar tarkibida ishlatiladi, masalan noʻxatshoʻrak.

sft. Tarkibida tuzi bor, shoʻr bosgan.

Shoʻrli yerlarni yuvish.

ot Goʻsht, piyoz, kartoshka va boshqalar sabzavotlar solib pishiriladigan suyuq ovqat.

Qaynatma shoʻrva. Qovurma shoʻrva. Tovuq shoʻrva. Shoʻrva pishirmoq. Shoʻrva ichmoq. Eti — etga, shoʻrvasi — betga. — Maqol

Dasturxon ustidagi kosalardan issiq va yogʻli shoʻrvalarning hovuri chiqib turardi. — Sh. Rashidov, Boʻrondan kuchli

— Hozir sizlarga quling oʻrgilsin qaynatma tovuq shoʻrva qilib beraman, — dedi Ahmad. — F. Musajonov, Mehmonda

Biznikilar: Karam shoʻrva ichmaymiz, toʻngʻiz goʻshti soladi, deyishgan edi, goʻsht-yogʻni ham oʻz qoʻlimizga beradigan boʻlishdi. — I. Rahim, Chin muhabbat